8. desember
Faruze - dansandi fyrirmynd
Fyrirmynd er einstaklingur sem litið er upp til. Einhver sem gerir eitthvað sem öðrum finnst mjög flott og langar að geta gert það sama.
Faruze býr í SOS Barnaþorpi í Makedóníu sem er á Balkanskaganum. Þegar hún var yngri leit hún upp til eldri krakkanna í barnaþorpinu sem voru góðir að dansa. Þá vildi hún vera nákvæmlega eins og þeir. Nú eru mörg ár liðin og Faruze finnst ennþá jafn gaman að dansa. Hún æfir sig í marga klukkutíma á dag. Litlu börnunum í barnaþorpinu finnst Faruze vera mjög góður dansari og vilja vera eins og hún. Nú er það Faruze sem er orðin fyrirmynd þeirra.
Umræðupunktar
- Átt þú þér fyrirmynd? Hver er það og af hverju?
- Ert þú fyrirmynd einhvers?
- Hvað þarf til að vera fyrirmynd?
- Er mikilvægt að eiga fyrirmynd?
- Hvað mynduð þið segja að væri léleg fyrirmynd?
Stafarugl dagsins:
Hvað gerir Faruze þegar henni líður illa?
Bókstafur 1 fer í reit nr. 16