20. desember

Öll börn

Öll börn þurfa á öruggu og góðu heimili að halda til að þroskast eðlilega. Mörg börn í heiminum, líka á Íslandi, upplifa óöryggi, óstöðugleika og jafnvel hættu á hverjum degi. Þetta stutta myndband útskýrir á einfaldan hátt hvað SOS Barnaþorpin gera.

SOS Barnaþorpin eru alþjóðleg hjálparsamtök sem eru til staðar fyrir börn sem hafa misst eða eiga á hættu að missa foreldra sína. Samtökin styðja líka við barnafjölskyldur sem búa við krefjandi aðstæður og efla þær til að standa á eigin fótum og koma þannig veg fyrir aðskilnað.

Samtökin starfa í 138 löndum, óháð stjórnmálum og trúarbrögðum. Þau ná til yfir einnar milljónar barna, ungmenna og fullorðinna í gegnum tæplega þrjú þúsund verkefni.