7. desember
Kalli og tvíburarnir
Hún var tilfinningaþrungin stundin þegar Karl Jónas Gíslason hitti tvíburabræðurna Ísak og Samúel í SOS barnaþorpi í Eþíópíu fyrr á þessu ári. Kalli og tvíburarnir bundust órjúfanlegum böndum þegar hann bjargaði lífi þeirra nýfæddum árið 2012. Hann var staddur í Eþíópíu vegna vinnu sinnar og fékk tvíburana fjögurra daga gamla í fangið. Hann fann fyrir þá heimili í SOS barnaþorpi í Hawassa, þar sem strákarnir búa enn. Kalli heimsótti strákana árlega til ársins 2018 en síðan ekki aftur í nærri fimm ár. Við fengum að festa endurfundina á filmu og afraksturinn má sjá í glugga dagsins.
Umræðupunktar
- Hvað heitir höfuðborg Eþíópíu?
- Hvað eru mörg opinber tungumál í Eþíópíu?
- Munið þið eftir sögunni um Kalla sem var í Öðruvísi jóladagatali 2020?
- Hvernig haldið þið að Kalla hafi liðið þegar hann hitti tvíburana aftur eftir fimm ára fjarveru?
- Var eitthvað sem ykkur fannst áhugavert í þessari sögu?
Stafarugl dagsins:
Hvað keypti Kalli handa strákunum?
Bókstafur 1 fer í reit nr. 10