Öðruvísi jóladagatal

Sælla er að gefa en þiggja

Á hverjum degi fram að jólum verður hægt að opna nýjan glugga í Öðruvísi jóladagatali SOS Barnaþorpanna. Í dagatalinu munum við ferðast um heiminn því að bak við hvern glugga leynist stutt myndband þar sem við fáum að kynnast börnum sem búa víðs vegar um heiminn.

Í ár ætlum við meðal annars að heimsækja Víetnam, Indlandi, Bosníu-Hersegóvínu, Perú, Nepal og Bólivíu Með hverju myndbandi fylgja nokkrir punktar sem geta opnað fyrir frekari umræðu um efni dagsins.

Sælla er að gefa en þiggja

Auk fræðslunnar er dagatalið öðruvísi að því leytinu til að í stað þess að fá litla gjöf eða súkkulaðimola að launum hvetjum við börnin til að vinna létt verkefni heima við, t.d. vaska upp, moka snjó, þurrka af og fá smá aur að launum. Kannski þurfa nágrannarnir einhverja aðstoð fyri jólin og svo má líka safna dósum eða halda tombólu.

Það er að sjálfsögðu undir hverri fjölskyldu komið hvort hún vilji taka þátt í söfnuninni. Öll framlög sem safnast í ár fara í nýtt fjölskyldueflingarverkefni SOS Barnaþorpanna í Malaví. Tilgangurinn með fjölskyldueflingunni er að hjálpa sárafátækum barnafjölskyldum að standa á eigin fótum og gera foreldrum kleift að mæta grunnþörfum barna sinna til að koma í veg fyrir aðskilnað barna og foreldra.

Framlögin má leggja inn á reikning verkefnisins:

130-26-050028, kt. 500289-2529 eða með Aur appinu í númer 123 858 6860 eða @SOS

Einnig er hægt að gefa framlag með því að smella á græna boxið hér fyrir neðan.

Gefa framlag fyrir Jóladagatal
Efni fyrir kennara 2021