Veldu dagsetningu
16. desember
Bollubakstur
Góður bökunardagur klikkar aldrei. Að baka saman getur verið notaleg stund bæði fyrir stóra og smáa. Börnin geta aðstoðað við að vigta og mæla innihaldsefnin og svo er alltaf gaman að fylgjast með deiginu hefast, sjá hvað það stækkar mikið.
Nýbakaðar bollur og heitt kakó slá líka í gegn hjá fullorðna fólkinu.
Hér er uppskrift af einstaklega góðum og auðveldum bollum frá henni Berglindi í Gotterí og gersemar:
Skólabollur uppskrift
120 gr smjör
3,5 dl mjólk
1 pk þurrger
1 dl púðursykur
640 gr heilhveiti
½ tsk salt
2 dl Til hamingju fimm korna blanda
Egg til penslunar
- Bræðið smjör við vægan hita og hitið mjólkina út í þar til ylvolgt (passa að hita ekki of mikið til að drepa ekki gerið). Blandið þurrgerinu í volga blönduna og og leyfið að gerjast í nokkrar mínútur.
- Setjið öll þurrefnin saman í hrærivélarskálina og hellið mjólkurblöndunni saman við og hnoðið með króknum. Stundum þarf að bæta smá meira af heilhveiti saman við en best er að reyna að vinna deigið eins blautt og hægt er fyrir hefun því þá verður auðveldara að hnoða það í bollur.
- Hjúpið skál með matarolíu og veltið deiginu upp úr henni, setjið því næst rakan klút/plastfilmu yfir skálina og leyfið deiginu að hefast í um 45 mínútur.
- Hnoðið í bollur (c.a 20-22 stk), raðið á bökunarpappír, setjið klútinn aftur yfir og leyfið að hefast í um 30 mínútur.
- Hitið ofninn 220°C, penslið bollurnar með eggi og bakið í um 10 mínútur eða þar til bollurnar verða gylltar.