Malak brúðustjórnandi

Malak er 14 ára stúlka sem býr í SOS barnaþorpi í Jórdaníu. Í kórónuveirufaraldrinum uppgötvaði hún leikræna hæfileika sína og byrjaði með lítið brúðuleikhús. Malak sá brúðuþátt í sjónvarpinu sem hún heillaðist af og ákvað að gera tilraun með sinn eigin þátt. Hún prófaði sig áfram og tók svo upp þátt á símann sinn. Hún sýndi mömmu sinni myndbandið og fékk mikið hrós frá henni. Malak nýtir þennan nýuppgötvaða hæfileika sinn til góðs og í glugga dagsins fáum við að sjá hvernig. Kíkjum til Jórdaníu.

Umræðupunktar

• Í brúðuleikhúsinu hjálpuðu kisan og kanínan bangsanum þegar honum leið ekki vel. Hvert getið þið leitað ef ykkur líður illa?
• Malak uppgötvaði hæfileika sinn þegar henni leiddist í kórónuveirufaraldrinum. Hvað gerið þið þegar ykkur leiðist?
• Í myndbandinu var talað um tilfinningar, hvernig líður ykkur í dag?

Stafarugl dagsins:
Hverjum leið ekki vel í myndbandi dagsins?
Bókstafur 1 fer í reit nr. 1