Þörf á auknum stuðningi við SOS í Úkraínu

Stríðið í Úkraínu heldur áfram að koma niður á milljónum barna, grundvallarréttindum þeirra og sundrar fjölskyldum. Við viljum því vekja athygli á að söfnun SOS Barnaþorpanna á Íslandi fyrir stuðningi við úkraínsk börn stendur enn yfir og nú stendur almenningi til boða að gerast mánaðarlegir styrktaraðilar fyrir SOS Barnaþorpin í Úkraínu.

Hjálparstarf SOS Barnaþorpanna miðar fyrst og fremst að velferð barna og fjölskyldna þeirra. Bein aðstoð SOS í yfirstandandi átökum í Úkraínu hefur náð til 125 þúsund manns, 74 þúsund af þeim eru börn, og alls hafa neyðaraðgerðir samtakanna náð til yfir 280 þúsund manns.

Aðstoðin felst í öllu frá fjárhagsaðstoð og inneignarmiðum til geðheilbrigðisþjónustu til að takast á við áföll af völdum stríðsins. SOS Barnaþorpin í nágrannalöndum Úkraínu hafa einnig tekið á móti fjölda fósturfjölskyldna á flótta og séð þeim fyrir húsnæði. Við gætum ekki haldið slíkri starfsemi gangandi án stuðnings velunnara og fyrir þann stuðning erum við afar þakklát.

Sjá líka:

• Svona nýtist framlag þitt í Úkraínu

Sjá líka:

• Börnin eru mjög hrædd
• Ímyndunaraflið var í molum

Enn mikil þörf á mannúðaraðstoð

SOS Barnaþorpin hafa verið til staðar fyrir umkomulaus börn í Úkraínu í 20 ár og við gátum brugðist strax við þegar stríðið braust út fyrir rúmu ári. Þörfin fyrir mannúðarstarf eykst sífellt og starfsemi SOS í Úkraínu og nágrannalöndum hefur aukist stórlega á þessum tíma. Nýjustu upplýsingar gefa til kynna að 17,7 milljónir manna séu í bráðri þörf á mannúðaraðstoð.

SOS Barnaþorpin á Íslandi hafa með stuðningi almennings sent nærri 20 milljónir króna til neyðaraðgerða SOS í Úkraínu og slíkt hafa aðrar aðildarþjóðir SOS gert. Nú er svo komið að þeir fjármunir verða senn uppurnir þar sem stríðið hefur dregist á langinn og enn er mikil þörf á mannúðaraðstoð samtakanna.

Við viljum því vekja athygli á að söfnun SOS Barnaþorpanna á Íslandi fyrir stuðningi við úkraínsk börn stendur enn yfir. Þú getur lagt söfnuninni lið með stöku eða mánaðarlegu framlagi, uppsegjanlegu hvenær sem er.

Við verðum hérna (myndband)

Við hvetjum þig eindregið til að horfa á þetta myndband þar sem framkvæmdastjóri SOS Barnaþorpanna í Úkraínu lýsir ástandinu og því hvernig við hjálpum.

Sjáðu nánari umfjöllun okkar um ástandið í Úkraínu og aðgerðir SOS.

• 53 Ís­lend­ing­ar styrkja börn í Úkraínu
• Börn­in eru mjög hrædd
• Af­leið­ing­ar stríðs á for­eldra­laus börn
• 162.000 börn búa hjá öðr­um en for­eldr­um sín­um
• SOS í Rússlandi og Úkraínu í sama liði
• Barna­þorp rýmt