Fréttayfirlit 16. maí 2023

Sorgarmiðstöð hlýtur fjölskylduviðurkenningu SOS

Sorgarmiðstöð hlýtur fjölskylduviðurkenningu SOS

Sorgarmiðstöð hlaut í gær hina árlegu fjölskylduviðurkenningu SOS Barnaþorpanna fyrir mikilvægt starf í þágu barnafjölskyldna á Íslandi. Forsetafrú og velgjörðasendiherra SOS Barnaþorpanna á Íslandi, Eliza Reid, afhenti viðurkenninguna fyrir hönd samtakanna sem veita hana nú í sjöunda sinn á alþjóðlegum degi fjölskyldunnar. Karólína Helga Símonardóttir, stjórnarformaður Sorgarmiðstöðvar, veitti viðurkenningunni viðtöku.

Eva Skarpaas hefur nýtt sér þjónustu Sorgarmiðstöðvarinnar eftir að sonur hennar tók eigið líf í nóvember 2019. Eva ávarpaði viðstadda á athöfninni þegar viðurkenningin var veitt. Eva Skarpaas hefur nýtt sér þjónustu Sorgarmiðstöðvarinnar eftir að sonur hennar tók eigið líf í nóvember 2019. Eva ávarpaði viðstadda á athöfninni þegar viðurkenningin var veitt.

Þarna missti ég barnið mitt

Eva Skarpaas, einn af skjólstæðingum Sorgarmiðstöðvar, ávarpaði viðstadda á athöfninni í félagsheimili Þróttar. Eva lýsti því hvernig hún nýtti sér þjónustu Sorgarmiðstöðvarinnar eftir að sonur hennar Gabríel tók eigið líf, aðeins 21 árs að aldri. Eftir sat fjöldi aðstandenda í djúpum sárum, þeirra á meðal tvær yngri systur Gabríels, átta og tólf ára.

„Þarna missti ég barnið mitt, systur hans misstu stóra bróður sinn, pabbi hans missti strákinn sinn, stjúpi, fyrrverandi kærastan missti þarna fyrstu ástina, amma og afi og við stöndum öll þarna eftir algerlega mölbrotin,“ segir Eva m.a. í ítarlegu myndbandsviðtali við SOS Barnaþorpin sem sjá má hér.

Eva segir að hjá Sorgarmiðstöð hafi hún fengið aðstoð fólks sem gengið hefur í gegnum sömu lífsreynslu. Viðmót fólksins hafi gefið henni von um að hún gæti öðlast lífsgleði á ný. Markmið Sorgarmiðstöðvar er að styðja við syrgjendur og alla þá sem vinna að velferð þeirra. Starfsemin lýtur fyrst og fremst að stuðningi, ráðgjöf, upplýsingaþjónustu og fræðslu.

Styrkti stúlku í SOS barnaþorpi í Gana

Það er ánægjulegt að segja frá því að eftir að Eva eignaðist Gabríel gerðist hún SOS-foreldri og styrkti stúlku í SOS barnaþorpi í Gana. Eva styrkti stúlkuna í 15 ár eða þar til hún flutti úr barnaþorpinu og fór að standa á eigin fótum og er Eva enn í sambandi við hana í dag. Eva segir frá því í viðtalinu hvernig stúlkan hjálpaði sér við verkefni í Háskólanum í Reykjavík.

Rúrik Gíslason og Eliza Reid, velgjörðasendiherrar SOS ásamt Karólínu. Rúrik Gíslason og Eliza Reid, velgjörðasendiherrar SOS ásamt Karólínu.

Umsögn valnefndar

SOS Barna­þorp­in hafa frá ár­inu 1949 sér­hæft sig í því að hjálpa um­komu­laus­um börn­um og illa stödd­um barna­fjöl­skyld­um.

„Í SOS barna­þorp­um um all­an heim býr fjöldi barna sem hefur misst foreldra sína og/eða aðra ættingja og syrgir af þeim sökum. Sorgin er því vel þekkt viðfangsefni í barnaþorpunum og fögnum við því öfluga og mikilvæga starfi sem Sorgarmiðstöð sinnir fyrir syrgjandi börn og fjölskyldur hér á landi,“ seg­ir í um­sögn val­nefnd­ar.

Í nefndinni sátu Sal­björg Bjarna­dótt­ir, fyrrverandi sér­fræð­ing­ur hjá Land­læknisembætt­inu, Sigrún Þór­ar­ins­dótt­ir, sviðs­stjóri vel­ferð­ar­sviðs Kópa­vogs, Ragn­ar Schram fram­kvæmda­stjóri SOS og Hjör­dís Rós Jóns­dótt­ir fé­lags­ráð­gjafi og fræðslu­fulltrúi SOS.

Frá afhendingu viðurkenningarinnar í félagsheimili Þróttar. Frá afhendingu viðurkenningarinnar í félagsheimili Þróttar.

Handhafar viðurkenningarinnar frá 2016

Þetta er í sjöunda sem SOS Barnaþorpin veita fjölskylduviðurkenninguna. Viðurkenningarhafar eru:

Karólína Rós Ólafs- Sigurveigardóttir, 14 ára úr Skólahljómsveit Kópavogs, flutti á þverflautu, lagið Ást eftir Magnús Þór Sigmundsson. Karólína Rós Ólafs- Sigurveigardóttir, 14 ára úr Skólahljómsveit Kópavogs, flutti á þverflautu, lagið Ást eftir Magnús Þór Sigmundsson.

Nýlegar fréttir

Tveir Íslendingar mega styrkja sama barnið
3. júl. 2024 Almennar fréttir

Tveir Íslendingar mega styrkja sama barnið

Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...

843 krónur af hverju þúsund króna framlagi
26. jún. 2024 Almennar fréttir

843 krónur af hverju þúsund króna framlagi

Það skiptir okkur miklu máli að geta sýnt styrktaraðilum samtakanna hér á landi fram á lágan rekstrarkostnað og að sem stærstur mögulegur hluti framlaga þeirra skili sér í sjálft hjálparstarfið. Í árs...