Hvar við hjálpum

SOS Barnaþorpin á Íslandi fjármagna ýmis þróunar-, mannúðar- og neyðarverkefni víða um heim með stuðningi utanríkisráðuneytisins og styrktaraðila SOS. Verkefnin sem við styrkjum eru öll í þágu barna og ungmenna.

Úkraína

Neyðarsöfnun SOS fyrir börn og fjölskyldur þeirra sem eiga um sárt að binda vegna stríðsátakanna í Úkraínu. (Styrkja hér)

Malaví

Fjölskylduefling í Ngabu nær beint til 1500 barna og ungmenna í 400 fjölskyldum sem fá ekki grunnþörfum sínum mætt vegna bágra aðstæðna foreldra þeirra eða forráðamanna. (Styrkja hér)

Rúanda

Fjölskylduefling í Gicumbi héraði þar sem skjólstæðingar eru um 1.400 börn og ungmenni og foreldrar þeirra í 300 fjölskyldum sem búa við sárafátækt. (Söfnun ekki í gangi)

Eþíópía

Fjölskylduefling í Tulllu Moye. Þar hjálpum við 560 foreldrum og 1562 börnum þeirra að komast upp fyrir fátæktarmörk og að standa á eigin fótum með SOS-fjölskyldueflingu. (Söfnun lokið)

Haítí

Söfnun er lokið fyrir neyðaraðstoð við Haítí eftir jarðskjálfta í ágúst 2021 en hægt er að styrkja barnaþorp á Haítí með því að gerast SOS-barnaþorpsvinur. (Styrkja hér)

Tógó

Verkefni gegn kynferðislegri misnotkun á börnum. 56% stúlkna í Tógó eru fórn­ar­lömb kyn­ferðs­legr­ar misneyt­ing­ar og 17,3% stúlkna verða barns­haf­andi fyr­ir 18 ára ald­ur. (Söfnun lokið)

Sómalía og Sómalíland

Atvinnuhjálp ungs fólks. Verk­efn­ið nefn­ist „The Next Economy“ snýst um að þjálfa ungt at­vinnu­laust fólk til at­vinnu­þátt­töku, bæði þannig að það geti sótt um vinnu hjá öðr­um og/eða stofn­að sinn eig­in at­vinnu­rekst­ur. (Söfnun lokið)