Fréttayfirlit 15. september 2021

SOS á Íslandi framlengir um tvö ár í Eþíópíu

SOS á Íslandi framlengir um tvö ár í Eþíópíu

SOS Barnaþorpin á Íslandi hafa undirritað nýjan styrktarsamning við Utanríkisráðuneytið vegna framlenginga á tveimur verkefnum og er annað þeirra fjölskyldueflingin í Eþíópíu.

Rúmar 44 milljónir styrkupphæðarinnar renna í fjölskyldueflingu okkar í Tulu Moye, þ.e. Iteya og nágrenni. Þar hjálpum við barnafjölskyldum í sárafátækt að standa á eigin fótum með því markmiði að þær verði sjálfbærar. Þannig drögum við úr hættunni á að aðskilnaði og eflum foreldrana svo þeir geti hugsað um börnin og þau stundað nám.

Verkefni okkar í Eþíópíu hófst árið 2018 og átti að renna út í lok þessa árs en nú hefur það verið framlengt út desember 2023. Þar hjálpum við 560 foreldrum og 1562 börnum þeirra. Mjög stutt er í að fyrstu fjölskyldurnar útskrifist úr fjölskyldueflingunni og til að hámarka árangurinn ákváðum við að framlengja verkefnið um tvö ár. Hætt er við að mikil vinna hefði farið í súginn ef við hefðum látið staðar numið nú í árslok.

Styrkur Utanríkisráðuneytisins er kr. 44.519.329 en mótframlag SOS á Íslandi er kr. 11.129.832. Mótframlagið er fjármagnað með framlögum mánaðarlegra styrktaraðila sem nefnast SOS-fjölskylduvinir.

Sjá einnig:

88% segja lífsgæði sín betri

Nýlegar fréttir

Tímabundin stytting á opnunartíma skrifstofu
27. jún. 2022 Almennar fréttir

Tímabundin stytting á opnunartíma skrifstofu

Vegna sumarleyfa lokar skrifstofan okkar klukkan 13:00 þriðjudag, miðvikudag og fimmtudag 28.-30. júní og klukkan 12:00 föstudaginn 1. júlí. Við minnum á tölvupóstfangið sos@sos.is og er öllum erindum...

68.000 börn og ungmenni á framfæri SOS Barnaþorpanna
23. jún. 2022 Almennar fréttir

68.000 börn og ungmenni á framfæri SOS Barnaþorpanna

Börnum og ungmennum á framfæri SOS Barnaþorpanna fjölgaði um 4% á árinu 2021 frá árinu áður og eru nú um 68 þúsund í beinni umsjá samtakanna um allan heim. SOS hjálpaði alls 1,28 milljónum einstakling...