Tónleikar og kaffiboð fyrir eldri borgara
Hér hjá SOS á Íslandi erum við með ungmennaráð sem er stútfullt af hæfileika-, hugmyndaríku og duglegu ungu fólki. Það var glatt á hjalla í gær þegar ungmennaráðið heimsótti Boðann, félagsmiðstöð eldri borgara í Kópavogi. Þar héldu meðlimir ungmennaráðsins kynningu á starfi ráðsins og SOS Barnaþorpanna.
Ungmennin buðu svo gestum upp á tónlistaratriði þar sem tvær úr ráðinu, þær Lilja Helgadóttir og Senía Guðmundsdóttir, léku þekkt íslensk lög á flautu og hörpu. Ungmennaráðið bauð svo upp á kaffi, vöfflur og kökur sem runnu ljúflega niður við undirleik fallegra hörputóna Seníu.
Hér fyrir neðan má sjá stutt myndskeið frá viðburðinum þar sem rætt er við Sunnu Líf Kristjánsdóttur, formann ungmennaráðsins, og Lilju Helgadóttur, ritara.
Ungmennaráðið hefur undanfarið ár haft til sölu Flóttabangsann til styrktar flóttabörnum sem koma til Grikklands. Ágóðanum af sölu á Flóttabangsanum er varið í eflingu flóttabarnannanna við að aðlagast nýjum aðstæðum og veita þeim tækifæri á menntun og betra lífi. Fjölmargir nýttu sér heimsókn ungmennaráðsins í Boðann til að kaupa Flóttabangsann og setja hann í jólapakkann hjá barnabörnum.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...