Þess vegna er ég í ungmennaráði SOS
- að hluta til foreldrum mínum að þakka að Karolina á bjarta framtíð
Eftir Seníu Guðmundsdóttur
Fyrir 20 árum, árið sem ég fæddist, ákvaðu foreldrar mínir að gerast SOS styrktarforeldrar. Og við það eignaðist ég styrktarsystur. Frá þeim tíma hefur margt breyst í lífi mínu. Ég ólst upp hjá foreldrum mínum, fékk góða menntun og mig skorti ekkert. Lífið var ekki jafn einfalt fyrir Karolinu, styrktarsystur mína. Hún átti foreldra sem gátu ekki séð um hana og varð munaðarlaus snemma á ævinni. Líklegt er að hún hefði ekki lifað barnæsku sína af.
En þökk sé SOS Barnaþorpunum, sem tóku Karólínu að sér og gáfu henni nýja fjölskyldu í SOS barnaþorpi, á hún sér framtíð. Karolina ólst upp hjá SOS móður sinni ásamt nokkrum systkinum. Hún gat þá líka fengið menntun, umhyggju og stuðning. Í raun er það SOS Barnaþorpunum að þakka að Karolina er enn á lífi í dag.
Eina leiðin fyrir SOS til þess að fjármagna SOS fjölskyldur eins og hennar Karolinu er með peningaframlögum styrktarforeldra, eins og foreldra minna. Því mætti segja að það sé að hluta til foreldrum mínum að þakka að Karolina á bjarta framtíð. Þetta þótti mér hreinlega mögnuð tilhugsun. Þess vegna hóf ég fyrir þremur árum þátttöku í Ungmennaráði SOS Barnaþorpanna. Mig langaði til þess að taka þátt í þessu starfi sem gaf styrktarsystur minni nýtt líf og framtíð.
Gegnum starf mitt á vegum SOS Barnaþorpanna hef ég komist að því að til eru í afar áhrifaríkum stöðum á heimsvísu, einstaklingar sem alist hafa upp í SOS barnaþorpi í barnæsku sinni. Gott dæmi um það er Samburu, sem í dag er yfirráðgjafi hjá Gates-foundation. Hann hefur hjálpað milljónum manna í neyð.
Kannski af því að hann sjálfur skilur hvað það er að vera í neyð.
Ungmennaráð SOS
Ungmennaráð SOS Barnaþorpanna á Íslandi er sjálfstæð eining sem starfar í nánu sambandi við starfsmenn SOS. Ráðið er vettvangur fyrir ungt fólk á aldrinum 16-25 ára sem hefur áhuga á hjálparstarfi, þróunarsamvinnu og réttindum barna og vill nýta krafta sína í að koma þekkingu á þessum málefnum á framfæri. Hafir þú áhuga á að ganga til liðs við ungmennaráðið, þá sendirðu tölvupóst til Hjördísar fræðslufulltrúa, hjordis@sos.is
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...