Fréttayfirlit

Sólblómahátíðin með breyttu sniði í ár

Sólblómahátíð SOS Barnaþorpanna er orðinn árviss viðburður. Þá hittast allir sólblómaleikskólar á höfuðborgarsvæðinu og eiga saman góðar stundir. Í ár var þó ekki hægt að halda hátíðina vegna aðstæðna í landinu en við létum það ekkert á okkur fá og færðum Sólblómahátiðina inn á leikskólana.

Leikskólarnir sjálfir héldu sínar eigin hátíðir og krakkarnir á sólblómaleikskólanum Álfaheiði létu sitt ekki eftir liggja. Þann 10. júní héldu þau sína Sólblómahátíð. Bæði börn og starfsfólk mættu í gulum fötum og sólin tók þátt í litaþema hátíðarinnar og skein skært á hátíðisdaginn.

Það komu góðir gestir í heimsókn en Ronja ræningjadóttir kíkti við ásamt frábærum sirkuslistamönnum sem sýndu börnunum listir sínar. Börnin söfnuðu pening fyrir Ísabellu, styrktarbarn leikskólans og voru ánægð með að geta styrkt framfærslu yndislega styrktarbarnsins síns. Það má því með sanni segja að hátíðin hafi heppnast mjög vel og veðrið lék við börnin á þessum fallega degi.

SÓLBLÓMALEIKSKÓLAR SOS BARNAÞORPANNA Á ÍSLANDI

Sólblómahátíð á Álfaheiði

Nýlegar fréttir

Þolandi styrkti verkefni SOS gegn kynferðisbrotum á börnum
14.05.2021 Almennar fréttir

Þolandi styrkti verkefni SOS gegn kynferðisbrotum á börnum

SOS Barnaþorpunum á Íslandi barst á dögunum 53 þúsund króna framlag sem sker sig nokkuð úr frá hefðbundnum framlögum til SOS. Forsagan er sú að ókunnugur maður setti sig í netsamband við stúlku á efst...

Tilkynning til styrktaraðila SOS á Íslandi
05.05.2021 Almennar fréttir

Tilkynning til styrktaraðila SOS á Íslandi

Undanfarið höfum við verið að fást við alvarlegt mál sem við teljum mikilvægt að upplýsa styrktaraðila SOS Barnaþorpanna um. Við segjum reglulega frá öllu því jákvæða sem áunnist hefur í okkar starfi ...