Neyðarsafnanir fyrir Afríkuhorn og Pakistan
Öfgar í veðurfari eru að valda mikilli þjáningu fólks víða um heim, sérstaklega á Horni Afríku þar sem hungursneyð vofir yfir vegna þurrka og í Pakistan vegna flóða eftir monsúnrigningar. SOS Barnaþorpin hafa starfað á báðum þessum svæðum í tugi ára og það gerir okkur kleift að bregðast strax við hamförum af þessu tagi.
Lestu sögu móður í Kenía: Börnin fá nokkur hrísgrjón á dag
Neyðarsöfnun
Umræddar hamfarir eru af slíkri stærðargráðu að umbylta þarf allri núverandi mannúðaraðstoð okkar með tilheyrandi kostnaði. Almenningi er gefinn kostur á að leggja sín lóð á vogarskálarnar og hefur neyðarsöfnununum verið hrundið af stað fyrir bæði þessi svæði.
Styrkja: Neyð á Horni Afríku
Styrkja: Neyð í Pakistan
Hungursneyð vofir yfir í Kenía, Eþíópíu, Sómalíu og Sómalílandi þar sem nú eru verstu þurrkar sem geisað hafa í 40 ár.
SOS Barnaþorpin eiga í góðu samstarfi við önnur hjálparsamtök á staðnum og sem fyrr er höfuðáhersla SOS á velferð barna og fjölskyldna þeirra en um leið að mæta grunnþörfum fólks í lífshættu.
Við getum kannski ekki hjálpað öllum en allir geta hjálpað einhverjum.
Í fyrsta skipti eru SOS Barnaþorpin á Íslandi nú með þrjár safnafnir í gangi á sama tíma vegna mannúðaraðstoðar. Eins og áður hefur verið fjallað um hefur starfsemi samtakanna einnig verið efld vegna ástandsins í Úkraínu og nágrannalöndum vegna innrásar Rússa í Úkraínu.
Styrkja: Neyð í Úkraínu
Hvernig við hjálpum
Neyð á Horni Afríku
Neyð á Horni Afríku
Leggðu þín lóð á vogarskálarnar og taktu þátt í neyðarsöfnun SOS fyrir börn og fjölskyldur þeirra á Horni Afríku. Þar eru mestu þurrkar sem geisað hafa í 40 ár og vofir hungursneyð yfir.
Styrkja