Fréttayfirlit 10. desember 2022

Desember-fréttablað SOS komið út

Desember-fréttablað SOS komið út

Seinna SOS-fréttablað ársins kom út nú í desember og hefur því verið dreift til styrktararaðila. Blaðið má einnig nálgast rafrænt í pdf skjali á sos.is. Forsíðuviðtalið að þessu sinni er við Ingibjörgu Steingrímsdóttur og fyrrverandi styrktarbarn hennar, konu að nafni Sonam sem býr á Indlandi.

Ingibjörg gerðist SOS-foreldri Sonam þegar hún var lítil stúlka árið 1989 og styrkti hana svo til framhaldsnáms. Það tækifæri lét Sonam ekki fara til spillis og menntaði sig til kennara og í dag starfar hún í menntamálaráðuneyti Tíbet á Indlandi. Sonam segir að án Ingibjargar væri hún ekki á þessum stað í lífinu í dag.

Með Sonam og Ingibjörgu bundust órjúfanleg vinabönd og fór Ingibjörg í heimsókn til Sonam árið 2008. Þrettán árum síðar fékk Ingibjörg óvænt símtal frá Sonam sem vildi færa henni gleðifréttir. Við höfðum upp á Sonam og fengum hana til að svara nokkrum spurningum fyrir fréttablað SOS.

Lesa greinina: Úr fátækt til frama

Ragnar Schram, framkvæmdastjóri SOS á Íslandi, hitti fjölskyldu sem skammaðist sín vegna fátæktar og lokaði sig af. Nú hefur líf fjölskyldunnar gjörbreyst til hins betra. Ragnar Schram, framkvæmdastjóri SOS á Íslandi, hitti fjölskyldu sem skammaðist sín vegna fátæktar og lokaði sig af. Nú hefur líf fjölskyldunnar gjörbreyst til hins betra.

Gjörbreytt líf fjölskyldu í Rúanda

Í blaðinu er einnig frásögn framkvæmdastjóra SOS á Íslandi af heimsókn hans til Rúanda þar sem ný fjölskylduefling var að hefjast sem fjármögnuð er af Íslendingum. Þar hitti hann fjölskyldu sem er nýútskrifuð úr sambærilegu verkefni og hefur líf hennar gjörbreyst til hins betra.

Frásagnir barna í neyð

Í blaðinu eru einnig viðtal við sálfræðing hjá SOS í Úkraínu sem endurheimti 12 ára dreng úr áfalli vegna stríðsins. Ung stúlka í Kenía lýsir því hvernig þurrkarnir í Austur Afríku ógna lífi fjölskyldu hennar og framkvæmdastýra SOS Barnaþorpanna í Pakistan lýsir hræðilegu ástandi í landinu vegna flóða. Þá er einnig viðtal við unga stúlku í Tógó sem varð ólétt eftir nauðgun og hrökklaðist úr skóla.

Sjá öll fréttablöð SOS Barnaþorpanna á Íslandi

Nýlegar fréttir

Tveir Íslendingar mega styrkja sama barnið
3. júl. 2024 Almennar fréttir

Tveir Íslendingar mega styrkja sama barnið

Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...

843 krónur af hverju þúsund króna framlagi
26. jún. 2024 Almennar fréttir

843 krónur af hverju þúsund króna framlagi

Það skiptir okkur miklu máli að geta sýnt styrktaraðilum samtakanna hér á landi fram á lágan rekstrarkostnað og að sem stærstur mögulegur hluti framlaga þeirra skili sér í sjálft hjálparstarfið. Í árs...