Búið að velja fjölskyldurnar á Filippseyjum
Vinna við gangsetningu Fjölskyldueflingarverkefnis okkar á Filippseyjum gengur samkvæmt áætlun. Í dag lauk vinnu starfsfólks SOS þar í landi við að velja þær fjölskyldur sem verða skjólstæðingar okkar í verkefninu.
57 milljónir króna frá Íslandi
Verkefnið er alfarið fjármagnað af SOS Barnaþorpunum á Íslandi með aðstoð Utanríkisráðuneytisins sem lagði til rúmar 45 milljónir króna. Framlag SOS á Íslandi er rúmar 11 milljónir króna.
Á bilinu 580-600 barnafjölskyldum í nágrenni SOS barnaþorpanna í Calbayog og Tacloban verður hjálpað að verða fjárhagslega sjálfstæðar svo þær geti mætt grunnþörfum barnanna. Aðstoðin nær til 1800 barna og ungmenna.
Umfangsmikill undirbúningur
Verkefnið á Filippseyjum hófst formlega 1. apríl sl. og er til þriggja ára. Fyrstu mánuðirnir hafa farið í starfsmannaráðningar, uppsetningu á skrifstofum, mati á aðstæðum fólksins á svæðinu og viðtölum við fjölskyldurnar sem þurfa á hjálp okkar að halda. Nú í júlí verður lokið við að útvega skólagögn fyrir 1500 börn.
Mikil neyð á Filippseyjum![Það er að mörgu að hyggja Það er að mörgu að hyggja](/media/ayujvf0e/filippseyjar-fsp_8.jpg?width=300)
Eitt af hverjum 20 börnum á Filippseyjum hefur ýmist verið yfirgefið, er munaðarlaust eða vanrækt. Nærri 13 milljónir af 38 milljónum barna á Filippseyjum eru í fjölskyldum sem lifa undir fátæktarmörkum. Þetta er yfir 30% barnafjölskyldna. Fátæktin gerir börn sérstaklega berskjölduð fyrir ógnum af ýmsu tagi og til að mynda er áætlað að um 300 þúsund börn séu fórnarlömb mansals.
Fjórða íslenska verkefnið
Þetta er fjórða fjölskyldueflingarverkefnið sem SOS á Íslandi fjármagnar. Það fyrsta var í Gíneu Bissá og nú eru þrjú yfirstandandi verkefni, á Filippseyjum, í Eþíópíu og Perú.
Hér má lesa allt um Fjölskyldueflingu SOS Barnaþorpanna sem hefur vaxið hratt undanfarin ár.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...