Fréttayfirlit 15. apríl 2017

Börnin njóta góðs af þeirra ævistarfi

Börnin njóta góðs af þeirra ævistarfi

Í byrjun árs 2017 fengu SOS Barnaþorpin erfðagjöf í formi íbúðar. Íbúðin var í eigu hjónanna Renate Scholz og Ásgeirs Kristjóns Sörensen. Ásgeir lést árið 2009 en Renate árið 2015. Hjónin voru barnlaus og áttu eignir þeirra því að renna lögum samkvæmt til ríkissjóðs eftir þeirra dag, nema þau gerðu erfðaskrá og ráðstöfuðu eigum sínum þannig sjálf.

Það varð raunin að Renate ákváð árið 2013 að gera erfðaskrá þar sem skýrt var kveðið á um að íbúð þeirra í Háholti 16 í Hafnarfirði skyldi renna til SOS Barnaþorpanna en hjónin höfðu verið styrktaraðilar samtakanna í áraraðir. Erfðaskráin var skráð hjá sýslumanni og var í hans vörslu þar til Renate lést en í kjölfarið fengu SOS Barnaþorpin íbúðina afhenta.

Hjónin voru afar samhent samkvæmt aðstandendum og einkenndist hjónabandið af virðingu og vináttu. Þau höfðu bæði mikið dálæti á hestum. Ásgeir lærði húsgagnabólstrun og vann alla starfsævi sína við þá iðn. Renate vann lengi hjá St. Jósefssystrum, fyrst á spítalanum í Hafnarfirði en síðar við skólann í Landakoti.SOS Barnaþorpin eru hjónunum innilega þakklát og hefur stjórn SOS á Íslandi sett fjármunina í sérstakan sjóð sem úthlutað verður úr í þágu barna.

Ásgeir og Renate voru mikið hestaáhugafólk. Ásgeir og Renate voru mikið hestaáhugafólk.

Hulda gaf eina milljón

Hjónin eru þó ekki þau einu sem vilja láta skjólstæðinga SOS Barnaþorpanna njóta góðs af ævistarfi sínu. Mikill fjöldi einstaklinga um allan heim ánafnar SOS eignum sínum að hluta til eða öllu leyti eftir sinn dag og þannig geta samtökin hjálpað mun fleiri börnum en ella.

Í febrúar 2017 var SOS Barnaþorpunum tilkynnt um erfðagjöf frá konu að nafni Hulda G. Böðvarsdóttir. Um var að ræða eina milljón króna sem Hulda afleiddi SOS að með því skilyrði að fjármununum yrði varið á sem bestan máta fyrir skjólstæðinga samtakanna.

Hulda bjó í Reykjavík og átti enga lögerfingja. SOS Barnaþorpin voru ekki einu félagasamtökin sem nutu góðs af velvild Huldu en Kattavinafélag Íslands, Bugl -barna og unglingadeild LSH, og Geðhjálp fengu einnig eina milljón króna hvert um sig frá Huldu.

Nýlegar fréttir

Neyðarsöfnun vegna flóða í Pakistan
14. sep. 2022 Almennar fréttir

Neyðarsöfnun vegna flóða í Pakistan

Neyðarsöfnun SOS Barnaþorpanna er hafin vegna neyðaraðgerða í þágu barna og fjölskyldna þeirra í Pakistan. Neyðarástand ríkir í Pakistan vegna mestu flóða sem þar hafa orðið í meira en áratug og hjálp...

Neyðarsafnanir fyrir Horn Afríku og Pakistan
14. sep. 2022 Almennar fréttir

Neyðarsafnanir fyrir Horn Afríku og Pakistan

Öfgar í veðurfari eru að valda mikilli þjáningu fólks víða um heim. SOS Barnaþorpin á Íslandi hafa nú hrundið af stað neyðarsöfnunum vegna neyðaraðgerða í Pakistan og á Horni Afríku.