Utanríkisráðuneytið styrkir neyðaraðstoð SOS í Mið-Afríkulýðveldinu
Nýlega styrkti utanríkisráðuneytið SOS Barnaþorpin á Íslandi til að fjármagna neyðaraðstoð samtakanna í Mið-Afríkulýðveldinu. Styrkurinn hljóðar upp á tólf milljónir og mótframlag SOS á Íslandi eru rúmar fimm milljónir. Því fara rúmar sautján milljónir frá Íslandi til neyðarverkefna SOS Barnaþorpanna í Mið-Afríkulýðveldinu.
Neyðin í Mið-Afríkulýðveldinu er gríðarleg og talin í hópi tíu alvarlegustu neyða í heiminum í dag. Yfirvöld í landinu ráða ekki við ástandið sem m.a. stendur af fólki á flótta, skipulögðum drápum á ættbálkum og mnnréttindarbrotum.
Verkefnið sem SOS Barnaþorpin fengu styrk fyrir er staðsett í Bangui í Mið-Afríkulýðveldinu og mun að minnsta kosti standa yfir til vors 2018. Áætlaður fjöldi beinna skjólstæðinga verkefnisins er 12 þúsund börn og fjölskyldur þeirra.
Neyðaraðstoðin felur meðal annars í sér eftirfarandi:
- Matargjafir
- Heilbrigðisaðstoð fyrir vannærð börn, barnshafandi konur og konur með barn á brjósti
- Aðstoð við að koma börnum í skóla
- Endurbygging á skólum
- Hreinlætisvörur fyrir börn, barnshafandi konur og konur með barn á brjósti
- Barnvæn svæði þar sem börn geta fengið aðstoð og leikið sér
- Skýli fyrir börn sem misst hafa foreldra sína eða orðið viðskila við þá
Nýlegar fréttir
Ísland styrkir aftur sumarbúðir fyrir stríðshrjáð börn í Úkraínu
SOS Barnaþorpin á Íslandi hafa sent fjárstuðning til sumarbúða í Úkraínu fyrir börn sem hafa orðið fyrir alvarlegum áhrifum af stríðinu. Þar taka börnin þátt í fjölbreyttu starfi sem hjálpar þeim að v...
Tvær og hálf milljón króna til stuðnings viðkvæmum barnafjölskyldum í Namibíu
SOS Barnaþorpin á Íslandi hafa sent 2,5 milljónir króna til verkefnis í fjölskyldueflingu SOS í Namibíu. Verkefnið er unnið til eflingar viðkvæmum barnafjölskyldum og kemur í veg fyrir að þær sundrist...