Fréttayfirlit 5. júní 2018

Ungar stúlkur á Reyðarfirði söfnuðu fyrir SOS Barnaþorpin

Þessar góðhjörtuðu ungu stúlkur á Reyðarfirði, Emilía Rós Ingimarsdóttir og Júlía Sigríður Grzegorzsdóttir, höfðu samband við okkur í vikunni. Vinkonurnar, sem eru á níunda aldursári, vildu láta gott af sér leiða og söfnuðu dósum sem þær fengu 12,756 krónur fyrir. Peninginn sendu þær svo til SOS Barnaþorpanna og var upæhæðinni varið í fjölskyldueflingarverkefnið sem hófst í Eþíópíu í janúar sl.

Peningarnir koma að góðum notum fyrir skjólstæðinga fjölskyldueflingarinnar í þorpinu Tulu Moye. Þar búa m.a. systkinin Mena sem er 18 ára og eldri bróðir hennar Tee ásamt tveimur ungum systskinum sínum og eins árs gömlu barni Menu. Móðir þeirra er látin og faðir þeirra yfirgaf þau.

Með hjálp góðhjartaðs fólks eins og Emilíu og Júlíu geta skjólstæðingar fjölskyldueflingar SOS Barnaþorpanna, umkomulaus börn, nú fengið mat á hverjum degi og aðstoð til að búa sig undir framtíðina.

Emilía og Júlía eru nú orðnir fjölskylduvinir SOS Barnaþorpanna og þökkum við þeim kærlega fyrir þetta frábæra framtak. Það geta allir gerst fjölskylduvinir hér inni á heimasíðunni okkar sos.is.

Nýlegar fréttir

Söfnuðu rúmlega milljón fyrir börn í neyð á Gaza
10. jún. 2024 Almennar fréttir

Söfnuðu rúmlega milljón fyrir börn í neyð á Gaza

Nemendur Kársnesskóla héldu sinn árlega góðgerðardag nú á dögunum þar sem þeir söfnuðu rúmlega milljón fyrir börn í neyð á Gaza. Nemendur og starfsfólk skólans höfðu undirbúið daginn vel og buðu upp á...

Börn og starfsfólk yfirgefa SOS barnaþorpið í Rafah
30. maí 2024 Almennar fréttir

Börn og starfsfólk yfirgefa SOS barnaþorpið í Rafah

Þann 28. maí hófu SOS Barnaþorpin flutning barna og fullorðinna frá barnaþorpinu í Rafah vegna stóraukinnar öryggisáhættu á staðnum þar sem barnaþorpið er.