Svala er nýr fjármálastjóri SOS

Svala Þyri Garðarsdóttir hefur verið ráðin fjármálastjóri SOS Barnaþorpanna á Íslandi og hóf störf hjá okkur í ágúst. Svala er fædd árið 1982, hún er viðsktiptafræðingur með MSc í reikningshaldi og endurskoðun. Hún starfaði áður hjá Vegagerðinni síðan 2015 og sinnti þar ýmsum störfum eins og t.d. aðalbókari og verkefnastjóri umbótaverkefnis á rekstrardeild og nú síðast sem verkefnastjóri bókhalds.

„Það er mér mikill heiður að hafa verið valin til að taka við starfi fjármálastjóra hjá SOS Barnaþorpunum á Íslandi. Það eru forréttindi að fá að leggja mitt af mörkum til starfs sem hefur raunveruleg áhrif á líf barna og fjölskyldna. Ég hlakka til að takast á við öll verkefnin sem fram undan eru,“ segir Svala.

Á þriðja tug umsókna bárust um starfið frá mörgum mjög frambærilegum einstaklingum sem erfitt var að velja úr og þakka SOS Barnaþorpin öllum sem sýndu ághuga. Svala tekur við starfi fjármálastjóra af Rakel Lind Hauksdóttur sem skipti um starfsvettfang.