Fréttayfirlit 23. september 2019

Svala aðstoðar í kennslustofu í Katmandú

Svala Davíðsdóttir, 18 ára Kópavogsmær, hefur nú verið í þrjár vikur í SOS barnaþorpinu í Jorpati í Katmandú, höfuðborg Nepal. Hún er búsett hjá bróður sínum í borginni og á daginn vinnur hún sem kennari í sjálfboðaliðastarfi í barnaþorpinu. Þar búa fötluð börn sem eitt sinn voru umkomulaus en eiga nú ástríka SOS-fjölskyldu og heimili.

„Starf mitt felst í aðstoð í kennslustofunni. Við erum fimm kennarar með 14 börn. Krakkarnir eru í skóla alla daga frá kl. 10-16 nema laugardaga. Þau læra að lesa og skrifa auk þess sem þau læra landafræði, vísindi, ensku, stærðfræði og á tölvur,“ segir Svala sem leyfir Íslendingum að fylgjast með sér í Nepal á Instagram síðu SOS Barnaþorpanna á Íslandi.

Frá einni kennslustofunni í Jorpati„Hér búa eingöngu börn sem þurfa á sérstakri aðstoð að halda vegna fötlunar. Í þorpinu eru 6 hús og búa 8 börn í hverju og SOS - mamma. Það er dásamlegt að sjá hve vel er hugsað um börnin. Þau búa í fallegu húsnæði, lifa fjölskyldulífi og fá tækifæri til að mennta sig.“

Íslendingar styrkja í Jorpati

Eitt barn í þorpinu á styrktarforeldri á Íslandi og tveir Íslendingar eru SOS-barnaþorpsvinir Jorpati þorpsins. Styrktarforeldrar taka þátt í framfærslu barnsins og fá reglulega af því fréttir og myndir. Barnaþorpsvinir taka þátt í rekstrarkostnaði þorpsins.

Svala verður næstu mánuðina í Katmandú og mun líka starfa í SOS barnaþorpinu í Sanothimi. Hún mun einnig sinna fimleikakennslu en hún hefur æft fimleika hjá Gerplu í 14 ár og séð þar um þjálfun barna. „Mig hefur lengi dreymt um að fá tækifæri til að sinna hjálparstarfi. Ég er svo þakklát fyrir tækifærið að fá að vinna með börnunum í SOS barnaþorpunum.“

Svala_Nepal kort.jpg

Nýlegar fréttir

Sorgarmiðstöð hlýtur fjölskylduviðurkenningu SOS
16. maí 2023 Almennar fréttir

Sorgarmiðstöð hlýtur fjölskylduviðurkenningu SOS

Sorgarmiðstöð hlaut í gær fjölskylduviðurkenningu SOS Barnaþorpanna fyrir mikilvægt starf í þágu barnafjölskyldna á Íslandi. Forsetafrú og velgjörðasendiherra SOS Barnaþorpanna á Íslandi, Eliza Reid, ...

SOS Barnaþorpin eru fyrirmyndafyrirtæki V.R. annað árið í röð
12. maí 2023 Almennar fréttir

SOS Barnaþorpin eru fyrirmyndafyrirtæki V.R. annað árið í röð

Annað árið í röð eru SOS Barnaþorpin á Íslandi meðal efstu fyrirtækja í vinnu­staða­könn­un V.R. og hljóta þar með titilinn Fyr­ir­mynd­ar­fyr­ir­tæki í flokki lít­illa fyr­ir­tækja.