SOS Barnaþorpin veita aðstoð í Grikklandi
Hurð skall nærri hælum á bráðabirgðaheimili fyrir börn undir 5 ára aldri í bænum Peneli, norður af Aþenu í Grikklandi í vikunni þar sem skógareldar loguðu. Eldur nálgaðist húsið hratt en þegar verið var að undirbúa rýmingu hússins sem í voru 17 börn, breyttist sterk vindáttin og börnin voru hólpin. Þessi breyting á vindátt varð þó til þess að eldurinn náði á undraverðum hraða að sumarhúsahverfi í bænum Mati þar sem yfir 80 manns létust, menn, konur og börn.
Bráðabirgðaheimilið fyrir börnin er rekið af SOS Barnaþorpunum sem hafa lagt fram aðstoð við hjálparstarf í bæjunum Mati, Rafina og Kineta. Fjögur SOS barnaþorp eru í Grikklandi, þar af eitt í Aþenu og í þeim eru allir heilir á húfi. Samtökin hafa í samstarfi við heilbrigðisráðnuneyti Grikklands lagt fram aðstoð sem fólgin er starfi félagsráðgjafa, sálfræðinga og barnasálfræðinga. SOS Barnaþorpin eiga einnig í viðræðum við ráðuneytið um stuðning við slösuð börn og fjölskyldur sem hafa misst heimili sín í skógareldunum.
SOS Barnaþorpin á Íslandi styrktu á síðasta ári ungbarnaheimili SOS Barnaþorpanna á þessu svæði um 20.000 Evrur. Þar dvelja börn og ungabörn sem eru þolendur misnotkunar og annars ofbeldis. Á heimilinu fá þau alla mögulega faglega aðstoð og eru tilraunir einnig gerðar til að koma á viðunandi aðstæðum hjá foreldrum þeirra svo fjölskyldan geti sameinast á ný. Í þeim tilvikum sem slíkt heppnast ekki fara börnin í framhaldinu í SOS barnaþorp þar sem þau eignast fósturfjölskyldu eða svokallaða SOS fjölskyldu.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...