Fréttayfirlit 25. júní 2021

SOS Barnaþorpin kjósa nýjan forseta og forystusveit

SOS Barnaþorpin kjósa nýjan forseta og forystusveit

Tímamót urðu í sögu SOS Barnaþorpanna í dag, fimmtudaginn 24. júní, þegar Dr. Dereje Wordofa frá Eþíópíu var kjörinn nýr forseti alþjóðasamtakanna á allsherjarþingi SOS. Hann er aðeins fjórði forseti SOS frá stofnun samtakanna árið 1949. Beáta Juvancz frá Ungverjalandi var kjörin varaforseti og hlutu þau bæði yfirgnæfandi kosningu, eða um 90% hvort.

Einnig var ný alþjóðastjórn kosin og samanstendur hún af 20 manns frá jafnmörgum aðildarfélögum. Kjör þeirra Wardofa og Juvancz markar nýtt upphaf alþjóðasamtakanna eftir að fyrrum valdhafar ákváðu að draga framboð sín til baka. Þá ákvörðun tóku þau eftir að óháð rannsókn, sem SOS á Íslandi stóð fyrir ásamt fleiri löndum, leiddi í ljós valdníðslu þeirra og vanrækslu.

Ætlar að taka á mistökum í fortíð SOS

„Ég heiti því að taka á mistökum í fortíð samtakanna í þeim tilgangi að efla barnavernd og færa verkefni SOS upp í hæsta gæðaflokk með gegnsæi og ábyrgð að leiðarljósi," segir Wordofa m.a. í yfirlýsingu á heimasíðu alþjóðasamtaka SOS. Hann tekur við af Indverjanum Siddhartha Kaul sem gegndi embættinu sl. níu ár ásamt fráfarandi varaforseta.

SOS á Íslandi ber fullt traust til nýrrar forystu

„SOS Barnaþorpin á Íslandi bera fullt traust til Dereje og Beátu, að þau geti leitt samtökin inn í framtíðina með góðum stjórnháttum og góðum árangri þegar kemur að því að hjálpa og styðja munaðarlaus og yfirgefin börn um allan heim," segir Ragnar Schram, framkvæmdastjóri SOS á Íslandi.

Nýlegar fréttir

Ekkert mannfall eða skemmdir hjá SOS í Sýrlandi
6. feb. 2023 Almennar fréttir

Ekkert mannfall eða skemmdir hjá SOS í Sýrlandi

Staðfest hefur verið að öll börn, fjölskyldur og starfsfólk á vegum SOS Barnaþorpanna í Sýrlandi eru heil á húfi eftir mannskæðan jarðskjálfta sem reið yfir norðurhluta Sýrlands og suðurhluta Tyrkland...

Rúrik sigraði aftur í Let´s dance og gaf verðlaunaféð til SOS
26. jan. 2023 Almennar fréttir

Rúrik sigraði aftur í Let´s dance og gaf verðlaunaféð til SOS

SOS Barnaþorpunum barst í vikunni styrkur upp á rúma eina og hálfa milljón króna vegna sigurs Rúriks Gíslasonar í jólaþætti þýsku sjónvarpsþáttaraðarinnar Let´s dance.