Fréttayfirlit 22. september 2020

SOS Barnaþorpin í samstarf við Bayern München

Þýska knattspyrnustórveldið Bayern München ætlar að tefla fram stórstjörnum sínum og aðstöðu félagsins fyrir samfélagsverkefni sem gengur út á að draga fram hugrekki og falda hæfileika barna af ólíkum uppruna. Bayern München og barnahjálparsamtökin SOS Barnaþorpin kynntu í dag samstarfsverkefnið þess efnis.

Fræðsluverkefnið „Leikvangur breytinga," eða "Arena of change", gengur út á að kalla fram hugrekki barna af ólíkum uppruna og báðum kynjum til að þróa hæfileika sína, ekki aðeins á sviði íþrótta heldur líka lista og vísinda m.a. Börnin munu ekki aðeins læra hvert af öðru. Leikmenn Evrópumeistaraliðs Bayern auk ungra framtíðarstjarna félagsins munu gegna hlutverki fyrirmynda og leiðbeinenda fyrir þátttakendur.

Á fyrsta stigi verkefnisins koma 60 börn á aldrinum 8-14 ára saman úr fimm skólum í München og spila fótbolta á æfingasvæði Bayern. Út frá fótboltaiðkuninni munu börnin fást við margþætt frammistöðumiðuð verkefni með það að leiðarljósi að efla framtíðarmöguleika þeirra. Áhersla verður lögð á að draga fram hugrekki barnanna án þess að leggja á þau þrýsting eða samkeppni milli þeirra.

Karl-Heinz Rummenigge, stjórnarformaður FC Bayern, segir að markmið félagsins sé að taka þátt í þróun á samfélagslegri sjálfbærni og þetta samstarf sé félaginu afar mikilvægt til að gera það sýnilegra og áhrifaríkara. „SOS Barnaþorpin eru fremst á sviði alþjóðlegra hjálparsamtaka og eiga því fullkomna samleið með FC Bayern," segir Rummenigge í fréttatilkynningu um verkefnið.

SOS Barnaþorpin hafa í 70 ár einblínt á börn án foreldraumsjár og starfa í 137 löndum en starf samtakanna er sérstaklega þekkt og virt meðal almennings í Þýskalandi.

Petra Horn, stjórnarmeðlimur hjá SOS Childrens Villages International og Rummenigge skrifuðu undir samstarfssamninginn.

Nýlegar fréttir

Þórdís Kolbrún heimsótti SOS barnaþorp í Malaví
2. des. 2022 Almennar fréttir

Þórdís Kolbrún heimsótti SOS barnaþorp í Malaví

Þórdís Kolbrún Reykfjörð Gylfadóttir utanríkisráðherra er í Malaví þessa dagana og það er gaman að segja frá því að í gær, 4. desember, heimsótti hún SOS barnaþorpið í höfuðborginni Lilongve.

Fyrsta íslenska jóladagatal SOS
1. des. 2022 Almennar fréttir

Fyrsta íslenska jóladagatal SOS

Öðruvísi jóladagatal SOS Barnaþorpanna á Íslandi hefur göngu sína áttunda árið í röð þann 1. desember n.k. Jóladagatalið er nú fyrsta sinn alíslenskt og fer leikkonan Vala Kristín Eiríksdóttir yfir al...