SOS Barnaþorpin í hópi fyrirmyndarfyrirtækja ársins
SOS Barnaþorpin á Íslandi höfnuðu ofarlega í vinnustaðakönnun V.R. og eru í hópi fyrirmyndarfyrirtækja V.R. í flokki lítilla fyrirtækja árið 2022. Starfsfólk SOS tók á móti viðurkenningu þess efnis á athöfn V.R. í Silfurbergi í Hörpu fyrir helgi.
Hjá SOS Barnaþorpunum á Íslandi starfar fámennur hópur sem er samstilltur, stoltur af því að vinna fyrir samtökin og ánægður í starfi. Þetta endurspeglaðist í niðurstöðu könnunarinnar þar sem starfsfólk SOS skoraði 4,69 af 5 mögulegum í lykilþáttum í vinnuumhverfi.
Í könnun á Fyrirtæki ársins er starfsfólk beðið um að leggja mat á nokkra lykilþætti í vinnuumhverfinu. Hver þáttur fær einkunn frá 1 til 5 og saman mynda þær heildareinkunn fyrirtækisins. Fyrirtækin í fimmtán efstu sætunum í hverjum stærðarflokki fá viðurkenninguna Fyrirmyndarfyrirtæki 2022.
Sjá nánar á heimasíðu V.R.
F.v. Sigurlaug Halldórsdóttir, Hans Steinar Bjarnason, Katrín Guðlaugsdóttir, Helga Bára Bragadóttir, Ragnar Schram og Rakel Lind Hauksdóttir. Á myndina vantar Auði Ösp Gylfadóttur og Hjördísi Rós Jónsdóttur.
Nýlegar fréttir
Ísland styrkir aftur sumarbúðir fyrir stríðshrjáð börn í Úkraínu
SOS Barnaþorpin á Íslandi hafa sent fjárstuðning til sumarbúða í Úkraínu fyrir börn sem hafa orðið fyrir alvarlegum áhrifum af stríðinu. Þar taka börnin þátt í fjölbreyttu starfi sem hjálpar þeim að v...
Tvær og hálf milljón króna til stuðnings viðkvæmum barnafjölskyldum í Namibíu
SOS Barnaþorpin á Íslandi hafa sent 2,5 milljónir króna til verkefnis í fjölskyldueflingu SOS í Namibíu. Verkefnið er unnið til eflingar viðkvæmum barnafjölskyldum og kemur í veg fyrir að þær sundrist...