Skólinn er skjól fyrir ógninni
![Skólinn er skjól fyrir ógninni](/media/1zpbtyz3/aleppo-skoli_2019-horst.jpg?width=1150&height=600&mode=crop&anchor=top)
Börnin í nýendurbyggðum grunnskóla í Aleppó í Sýrlandi vilja helst ekki fara heim úr skólanum því þar tekst þeim að útiloka allt það slæma fyrir utan. Þetta segir Racha Badawi, starfsmaður SOS Barnaþorpanna í Sýrlandi í viðtali við heimasíðu SOS á Íslandi en hún heimsótti skólann í sumar.
Endurbygging Al Thawra skólans var fjármögnuð af SOS á Íslandi með frjálsum framlögum styrktaraðila og kostaði 12 milljónir króna. Yfir tvö þúsund börn eru farin að sækja nám í skólanum og eiga þau það okkar frábæru styrktaraðilum að þakka.
Hræðsla í hverju andliti í Aleppó
Um helmingur barna á aldrinum 5-18 ára í austurhluta Aleppó sótti ekki skóla meðan stríðsástandið var sem verst í borginni. Skólarnir í borginni voru ýmist notaðir sem fangelsi eða skýli og sumir eru hreinlega orðnir að rústum. Racha segir að það hafi verið stórkostlegt að sjá svo litskrúðugan stað fullan af lífi innan um alla eyðilegginguna. Hún ræddi við börnin í skólanum og stendur eitt þeirra samtala sérstaklega upp úr.
„Ég vildi óska þess að dagurinn taki aldrei enda því ég vil bara vera hérna. Ég elska þennan skóla,“ sagði eitt barnanna við Rachu. Hún segir hræðslu ennþá skína úr andliti allra í borginni og eru börnin þar engin undantekning. „Að vera í skólanum er hamingjustundin þeirra.“
Hættan ekki enn liðin hjá
Þó það versta sé yfirstaðið eftir áralöng átök í Aleppó segir Racha að ástandið í borginni sé ekki ennþá öruggt. „Nei ekki ennþá. Alls ekki. Þegar við vorum þarna var mikið um skothvelli, sprengjur og öskur. Við erum vongóð en nei, ekki ennþá,“ sagði Racha í viðtali við Hans Steinar Bjarnason upplýsingafulltrúa SOS á Íslandi.
SOS Barnaþorpin á Íslandi fjármagna ýmis verkefni víða um heim með frjálsum framlögum - allt í þágu barna.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...