Skemmdir hjá SOS í Úkraínu

Skrifstofa SOS Barnaþorpanna í Kænugarði í Úkraínu varð fyrir skemmdum sl. nótt þegar Rússar létu sprengjum rigna yfir borgina. Starfsfólk er óhult.

Eins og fram hefur komið í fréttum var um stórfelldar eldflauga- og drónaárásir að ræða. Auk mannfalls urðu miklar skemmdir á byggingum.

Þannig urðu m.a. skemmdir á skrifstofu SOS Barnaþorpanna í höfuðborginni. Rúður brotnuðu, hurðir fóru af hjörum og fleiri skemmdir urðu. Er þetta ekki í fyrsta skipti sem skemmdir verða á byggingunni vegna árása Rússa. Engan starfsmann SOS Barnaþorpanna sakaði í árásinni en starfsfólk hefur verið að hreinsa upp og lagfæra í allan dag.