Fréttayfirlit 30. nóvember 2015

Sex góð ráð fyrir þá sem vilja senda styrktarbarninu jólakveðju

Margir styrktarforeldrar senda kveðju til styrktarbarnsins síns í desember og einhverjir senda jafnvel litlar gjafir. Ertu í vafa um hvað skal skrifa eða gefa? Hér eru nokkur ráð.

1. Þegar þú skrifar bréf til styrktarbarnsins þíns er gott að hafa í huga að barnið býr (yfirleitt) í öðrum menningarheimi en þú.

2. Skrifaðu um það sem barnið tengir við, til að mynda skólann eða veðurfar (börnum í Afríku og Asíu finnst sérstaklega gaman að sjá myndir af snjó). Öll SOS börn tengja við heimanám, leik á skólalóðinni og skólafélaga. Þú getur einnig sagt þeim frá fjölskyldumeðlimum eða afmælisveislum.

3. Ekki er sniðugt að senda styrktarbarninu stóra pakka. Mörg SOS Barnaþorp eru staðsett í löndum þar sem póstþjónustan er ekki upp á sitt besta og veglegir pakkar eiga það til að hverfa á pósthúsunum. Þá þarf SOS Barnaþorpið oft að borga toll af mjög stórum pökkum sem koma til barnanna.

4. Ef þig langar að senda styrktarbarninu litla gjöf mælum við með því að senda hluti sem komast fyrir í umslag. Sem dæmi má nefna límmiða, liti, litabækur, hárskraut og fleira.

5. Aldrei senda peninga í umslagi. Mjög litlar líkar eru á að það skili sér.

6. Þú verður að skrifa bréfið á tungumáli sem barnið (eða starfsmenn þorpsins) skilur. Yfirleitt er það enska en tungumálið er tekið fram í landaupplýsingum sem þú færð þegar þú gerist styrktarforeldri. Þar sérðu einnig heimilisfangið sem skrifað er utan á umslagið.

Nýlegar fréttir

Bersýnilegur árangur af íslensku verkefni fyrir þolendur í Tógó
26. feb. 2024 Almennar fréttir

Bersýnilegur árangur af íslensku verkefni fyrir þolendur í Tógó

Bersýnilegur árangur hefur náðst í íslensku verkefni gegn kynferðislegri misnotkun á börnum í Tógó. Verk­efn­ið hef­ur náð til 257 stúlkna sem eru þo­lend­ur kyn­ferð­is­brota, fjölgað slíkum málum á ...

Fékkstu sím­tal frá SOS?
20. feb. 2024 Almennar fréttir

Fékkstu sím­tal frá SOS?

Nú í febrúar 2024 eru SOS Barnaþorpin á Íslandi að hringja í fólk og óska eftir stuðningi við neyðaraðgerðir samtakanna á Gaza í Palestínu. Haf­ir þú hins veg­ar feng­ið sím­tal „frá okk­ur" sem þér f...