Fréttayfirlit 15. febrúar 2024

SOS barnaþorpið í Rafah ekki lengur öruggt og flutningur undirbúinn

SOS barnaþorpið í Rafah ekki lengur öruggt og flutningur undirbúinn

Ástandið í SOS barnaþorpinu í borginni Rafah í Palestínu verður sífellt viðkvæmara og er nú ekki lengur talið öruggt. Ísraelsher hefur hafið árásir á borgina og undirbýr rýmingaráætlanir fyrir almenna borgara vegna yfirvofandi frekari árása. Þetta hefur bein áhrif á starfsemina í SOS barnaþorpinu í Rafah þar sem búa núna 76 börn og ungmenni auk starfsfólks.

Starfsfólk SOS á Gaza undirbýr mögulegan flutning án þess að fyrir liggi hentugur áfangastaður. Enginn þeirra staða sem skoðaðir hafa verið uppfyllir lágmarkskröfur til öryggis og barnaverndar. Það virðist komið að ögurstundu og ljóst er að starfsfólk okkar stendur stendur frammi fyrir erfiðum ákvörðunum. Það er nú með aðstoð alþjóðaskrifstofu SOS að kanna alla mögulega staði til að flytja starfsemina á.

Þessi mynd er tekin sl. laugardag, 10. febrúar, út fyrir vegg SOS barnaþorpsins í Rafah. Þessi mynd er tekin sl. laugardag, 10. febrúar, út fyrir vegg SOS barnaþorpsins í Rafah.

SOS Barnaþorpin hafa starfað fyrir fylgdarlaus börn og fátækar barnafjölskyldur í Palestínu síðan 1968. Starfsfólk okkar þar þekkir því aðstæður vel og þarna eru allir helstu innviðir til staðar fyrir heilbrigt uppeldi barna. Þessu er nú teflt í hættu en SOS Barnaþorpin gera allt sem í valdi stamtakanna stendur til að tryggja öryggi barnanna.

95 Íslendingar styrkja börnin í SOS barnaþorpinu í Rafah sem SOS-foreldrar, mánaðarlegir styrktaraðilar. Við birtum frekari upplýsingar hér á heimasíðunni þegar þær berast frá okkar fólki í Palestínu eða á alþjóðaskrifstofu SOS í Austurríki.

SOS Barnaþorpin á Íslandi minna jafnframt á að neyðarsöfnun stendur yfir vegna aðgerða SOS í Palestínu.

SOS barnaþorpið á Gaza er í borginni Rafah við landamærin að Egyptalandi. SOS barnaþorpið á Gaza er í borginni Rafah við landamærin að Egyptalandi.

Nýlegar fréttir

Bersýnilegur árangur af íslensku verkefni fyrir þolendur í Tógó
26. feb. 2024 Almennar fréttir

Bersýnilegur árangur af íslensku verkefni fyrir þolendur í Tógó

Bersýnilegur árangur hefur náðst í íslensku verkefni gegn kynferðislegri misnotkun á börnum í Tógó. Verk­efn­ið hef­ur náð til 257 stúlkna sem eru þo­lend­ur kyn­ferð­is­brota, fjölgað slíkum málum á ...

Fékkstu sím­tal frá SOS?
20. feb. 2024 Almennar fréttir

Fékkstu sím­tal frá SOS?

Nú í febrúar 2024 eru SOS Barnaþorpin á Íslandi að hringja í fólk og óska eftir stuðningi við neyðaraðgerðir samtakanna á Gaza í Palestínu. Haf­ir þú hins veg­ar feng­ið sím­tal „frá okk­ur" sem þér f...