Nýjasta og síðasta jólakort Elsu komið í sölu
Nýtt jólakort eftir Elsu Nielsen er komið í sölu hjá SOS Barnaþorpunum á Íslandi. Nýja kortið, Júlaknús, er það þriðja og síðasta í jólakortaseríu sem Elsa hannaði fyrir SOS og gaf samtökunum í þágu málefnis þeirra. Elsa hannaði einnig jólakort SOS sl. tvö ár, Jólahjarta og Jólaskór, og seldust þau upp en eru nú fáanleg aftur.
Jólakortin eru til sölu í vefverslun SOS og á skrifstofunni, Hamraborg 1 í Kópavogi. Þau eru seld 10 saman í pakka. Pakkinn með nýja kortinu kostar kr. 2.900.- en pakkinn af eldri kortum Elsu kr. 2.500.- Til stóð að leggja niður jólakortasölu hjá SOS Barnaþorpunum á síðasta ári en þá varð stóraukning í sölu kortanna milli ára og því horfið frá þeirri ákvörðun í bili.
Jólakort Elsu hafa svo sannarlega fallið vel í kramið hjá styrktaraðilum SOS.
Elsa er Íslendingum að góðu kunn. Hún er margfaldur Íslandsmeistari í badminton og keppti á tvennum Ólympíuleikum, 1992 og 1996. Hún útskrifaðist frá Listaháskóla Íslands sem grafískur hönnuður árið 1999 og hefur hlotið fjölda tilnefninga og viðurkenninga fyrir sín störf. Hún var m.a. útnefnd bæjarlistamaður Seltjarnarness árið 2016.
Listafólk á Íslandi hefur um árabil sérhannað jólakort fyrir SOS Barnaþorpin á Íslandi og er sala á kortunum liður í fjáröflun samtakanna. Auk jólakorta Elsu eru til sölu eldri jólakort hönnuð af Maríu Möndu, Jóladagur/jólanótt, tíu saman í pakka á kr. 500.-
Nýlegar fréttir
Allt sem við vitum um ástandið hjá SOS í Palestínu
Við getum staðfest að öll börn á framfæri SOS Barnaþorpanna í Palestínu eru heil á húfi. Þau líða ekki næringarskort, þó það standi tæpt, og sérstök áhersla er lögð á að hlúa að andlegri heilsu þeirra...
855 krónur af hverju þúsund króna framlagi renna í hjálparstarfið
Ársskýrsla SOS Barnaþorpanna fyrir árið 2024 hefur nú verið birt eftir aðalfund samtakanna 19. maí sl. Þar kemur m.a. fram að hlutfall rekstrarkostnaðar er með því allra lægsta sem gerist eða aðeins 1...