Fréttayfirlit 19. nóvember 2015

Lítil kraftaverk

Huginn Þór Grétarsson er höfundur barnabókarinnar Lítil kraftaverk. Bókin er tileinkuð hjálparsamtökum sem aðstoða börn um víða veröld. „Ekki fæðast allir með sömu tækifæri til að afla sér lífsviðurværis og matar og nauðsynlegt er að reyna að aðstoða fátækari þjóðir við að koma undir sig fótunum,“ segir í bókinni.

Lítil kraftaverk fjallar um drenginn Manga sem ferðast til Úganda, Perú og Indónesíu með fjölskyldu sinni og heimsækir þar SOS Barnaþorp en fjölskylda Manga er styrktarforeldri þriggja SOS barna í þeim þorpum.

Ásamt því að hitta styrktarbörnin sem hann hefur skrifast á við í gegnum árin, fræðist hann um aðra menningarheima, aðrar venjur og lífið í SOS Barnaþorpum.

Lítil kraftaverk er frábær jólagjöf fyrir yngri kynslóðina og er fáanleg á skrifstofu SOS Barnaþorpanna. Þá er einnig hægt að kaupa bókina í vefverslun SOS eða panta eintak í síma 564-2910 og fá sent heim. Bókin kostar 2000 krónur og sé hún keypt hjá SOS (ekki í verslunum) rennur helmingur upphæðarinnar til SOS Barnaþorpanna á Íslandi.
Þess má geta að SOS Barnaþorpin komu ekki að útgáfu bókarinnar á neinn hátt.

Nýlegar fréttir

Neyðarsöfnun vegna flóða í Pakistan
14. sep. 2022 Almennar fréttir

Neyðarsöfnun vegna flóða í Pakistan

Neyðarsöfnun SOS Barnaþorpanna er hafin vegna neyðaraðgerða í þágu barna og fjölskyldna þeirra í Pakistan. Neyðarástand ríkir í Pakistan vegna mestu flóða sem þar hafa orðið í meira en áratug og hjálp...

Neyðarsafnanir fyrir Horn Afríku og Pakistan
14. sep. 2022 Almennar fréttir

Neyðarsafnanir fyrir Horn Afríku og Pakistan

Öfgar í veðurfari eru að valda mikilli þjáningu fólks víða um heim. SOS Barnaþorpin á Íslandi hafa nú hrundið af stað neyðarsöfnunum vegna neyðaraðgerða í Pakistan og á Horni Afríku.