Gáfu SOS Barnaþorpunum 15.312 krónur
Það er óhætt að segja að þrjár ungar dömur á Selfossi séu með hjartað á réttum stað. Þær Vanesa, Guðrún Birna og Brynhildur Ruth sem eru 9 og 10 ára tóku saman nokkra muni úr fórum sínum og höfðu til sölu á fjölförnum stað. Eftir stóðu þær með 15.312 krónur sem þær ákváðu að gefa til SOS Barnaþorpanna og brosandi út að eyrum mættu þær með upphæðina á skrifstofuna okkar í Kópavogi. Þær sögðu að einn góðhjartaður vegfarandi hafi látið þær fá 10 þúsund krónur fyrir þetta góða málefni.
Fjárhæðinni sem Vanesa, Guðrún Birna og Brynhildur Ruth söfnuðu verður varið í fjölskyldueflingarverkefni í Tulu Moye í Eþíópíu sem SOS Barnaþorpin á Íslandi fjármagna. Þessar frábæru stelpur á Selfossi eru nú orðnir SOS fjölskylduvinir og eiga þátt í því að umkomulaus börn í Tulu Moye geta fengið mat á hverjum degi og aðstoð til að búa sig undir framtíðina.
Um leið og við þökkum stelpunum kærlega fyrir bendum við á að hægt er að gerast Fjölskylduvinur hér á heimasíðunni okkar.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...