Svona tuttugufaldast framlagið þitt

Þegar þú gefur fjárframlög til góðgerðarmála verður til það sem kallað er félagsleg arðsemi af framlögunum þínum. Í skýrslunni 75 Years Of Impact sem gerð var í tilefni af 75 ára afmæli SOS Barnaþorpanna er þessi arðsemi reiknuð út af starfi samtakanna. Hún endurspeglar margföldunaráhrif framlags þíns.

SOS-fjölskylduvinir greiða mánaðarlegt framlag að eigin vali sem að meðaltali 20-faldast á verkefnasvæðunum okkar þar sem við styðjum foreldra út úr fátækt til sjálfbærni. Það þýð­ir ekki að pen­ing­arn­ir sjálf­ir tutt­ugufald­ist. Hver króna sem lögð er í verk­efn­ið get­ur skap­að um tutt­ugu króna sam­fé­lags­leg­an ávinn­ing – með­al ann­ars með aukn­um tekj­um fjöl­skyldna, betri mennt­un barna og minni þörf fyr­ir að­stoð síð­ar. Það hef­ur svo já­kvæð keðju­áhrif á nærsam­fé­lag­ið og inn­viði þess. Ávinninningurinn af stuðningi SOS fjölskylduvina er því afar mikill fyrir samfélagið á verkefnasvæðum okkar.

Fjölskylduhjálp SOS gengur út á að aðstoða sárafátækar barnafjölskyldur til sjálfbærni og sjálfstæðis, gera þeim kleift að mæta grunnþörfum barna sinna og stuðlar að menntun barnanna og foreldranna. Þessi verkefni fyrirbyggja að börn missi foreldraumsjón og verði umkomulaus. Þau fylgja fjölskyldum út úr sárafátækt svo þær geti staðið á eigin fótum. SOS á Íslandi fjármagnar fjölskylduhjálp í Eþíópíu, Malaví, Úganda og í Rúanda.

Hvað er félagsleg arðsemi?

Félagsleg arðsemi framlaga SOS fjölskylduvina er reiknuð með því að bera saman allan kostnað við verkefnin við þann ávinning sem þau skapa fyrir einstaklinga, fjölskyldur, samfélagið og hið opinbera. Í ávinninginn telst meðal annars aukin menntun barna, hærri tekjur foreldra, minni þörf á félagslegri aðstoð og sparnaður fyrir ríkið til lengri tíma.

Rannsóknir sýna s.s. að í fjölskylduhjálp SOS er félagslegur ávinningur að meðaltali tuttugufaldur. Það þýðir að fyrir hverja krónu sem Íslendingar leggja til fjölskyldueflingar, fær samfélagið til baka að meðaltali um tuttugu krónur í framtíðarávinning.

Framlagið er því ekki einungis hjálp í dag – heldur fjárfesting sem margfaldast í krafti betri lífsgæða barna og sterkari samfélaga til framtíðar.

SOS-fjölskylduvinur er tilvalin styrktarleið fyrir þá sem vilja láta raunverulega gott af sér leiða fyrir lægri fjárhæð en þær 4.500 krónur á mánuði sem SOS foreldrar greiða mánaðarlega með einu styrktarbarni eða SOS barnaþorpi.

Leið­in úr sára­fá­tækt til sjálf­bærni - Svona virk­ar fjöl­skyldu­hjálp SOS

• Tekjuöflun og lítil fyrirtæki – stuðn­ing­ur við að byggja upp reglu­leg­ar tekj­ur með eig­in at­vinnu­rekstri og tekju­skap­andi verk­efn­um.

• Sparnaður og fjármálalæsi – fjöl­skyld­ur fá þjálf­un í sparn­aði, lán­um og betri fjár­mála­stjórn.

• Aðgangur að lánsfé – sam­starf við sparn­að­ar- og lána­sam­tök ger­ir fjöl­skyld­um kleift að fjár­magna raun­hæf­ar við­skipta­hug­mynd­ir.

• Jákvætt uppeldi – for­eldr­ar fá stuðn­ing við sam­skipti, aga án of­beld­is og ör­uggt, hlý­legt upp­eld­is­um­hverfi.

• Sterkari rödd barnanna – börn taka þátt í áætl­un­um fjöl­skyld­unn­ar og fá tæki­færi til að segja frá eig­in þörf­um og skoð­un­um.

• Aðgangur að heilbrigðisþjónustu – fjöl­skyld­um er hjálp­að að kom­ast inn í sjúkra­trygg­inga­kerfi og tengj­ast nauð­syn­legri þjón­ustu.

• Öflugra stuðningsnet í nærumhverfinu – unn­ið er með skól­um, sveit­ar­fé­lagi og sam­fé­lags­sam­tök­um svo stuðn­ing­ur­inn við fjöl­skyld­urn­ar haldi áfram til lengri tíma.