SOS Barnaþorpin leita að fjáröflunarstjóra
SOS Barnaþorpin á Íslandi vilja sjá fleiri foreldralausum börnum fyrir fjölskyldu og góðri æsku. Við óskum því eftir drífandi einstaklingi sem brennur fyrir mannúðarmálum til að móta og efla fjáröflun SOS hér á landi.
Helstu verkefni og ábyrgð:
- Skipulag og utanumhald fjáröflunar samtakanna og aðkoma að markaðsmálum
- Þróun styrktarleiða
- Samskipti og samstarf við styrktaraðila og aðra velunnara
- Fjáröflunarviðburðir og virk þátttaka í herferðum á vegum samtakanna
- Erlend samskipti við höfuðstöðvar og systursamtök
- Önnur verkefni tengd fjáröflun og markaðsmálum
Menntunar- og hæfniskröfur:
- Háskólamenntun sem nýtist í starfi eða þeim mun meiri reynsla af fjáröflun
- Góð þekking á fjáröflun, fjármögnun og/eða sölu- og markaðsmálum
- Góð almenn tölvuþekking
- Sveigjanleiki, heilindi og sjálfstæð vinnubrögð
- Framúrskarandi samskiptahæfileikar, þjónustulund og lausnamiðað viðhorf
- Frumkvæði og metnaður til að ná árangri í starfi
- Mjög góð íslensku- og enskukunnátta í ræðu og riti
SOS Barnaþorpin hafa beina umsjá með um 70.000 börnum og ungmennum í barnaþorpum og annarri umönnun allan sólarhringinn.
Um SOS Barnaþorpin
SOS Barnaþorpin eru alþjóðleg hjálparsamtök sem hafa séð munaðarlausum og yfirgefnum börnum um allan heim fyrir fjölskyldu og heimili síðan 1949. SOS Barnaþorpin hafa beina umsjá með um 70.000 börnum og ungmennum í barnaþorpum og annarri umönnun allan sólarhringinn. Auk þess sinna samtökin forvarnarstarfi sem gengur út á að aðstoða barnafjölskyldur í sárafátækt til að standa á eigin fótum og nær það starf til yfir hálfrar milljónar barna, ungmenna og foreldra þeirra í yfir 100 löndum. Þá eru óupptalin þróunarverkefni og mannúðaraðstoð, allt í þágu barna.
Hlutverk samtakanna á Íslandi er fyrst og fremst að sinna fjáröflun fyrir verkefni systursamtaka sinna í yfir 100 löndum og sinna upplýsingagjöf til styrktaraðila. SOS Barnaþorpin á Íslandi eru vinnustaður þar sem ríkir heilbrigð menning, gagnkvæm virðing og góður andi. Boðið er upp á góða vinnuaðstöðu þar sem viðkomandi fær tækifæri til að þróa og móta starfið. Um 37 stunda vinnuviku er að ræða auk sveigjanleika í starfi þar sem tækifæri eru til símenntunar.
Umsóknarfrestur
Umsóknarfrestur er til og með 20. nóvember 2023. Umsókn óskast fyllt út á heimasíðu Intellecta og þarf henni að fylgja starfsferilskrá og ítarlegt kynningarbréf þar sem gerð er grein fyrir hæfni viðkomandi sem nýtist í starfi. Áhugasamir einstaklingar, óháð kyni, eru hvattir til að sækja um starfið. Farið er með allar umsóknir sem trúnaðarmál og þeim svarað að ráðningu lokinni.
Nánari upplýsingar veita Sigríður Svava Sandholt (sigridur@intellecta.is) í síma 5111225 og Ragnar Schram (ragnar@sos.is), framkvæmdastjóri SOS Barnaþorpa, í síma 5642910.
Nýlegar fréttir
Ísland styrkir aftur sumarbúðir fyrir stríðshrjáð börn í Úkraínu
SOS Barnaþorpin á Íslandi hafa sent fjárstuðning til sumarbúða í Úkraínu fyrir börn sem hafa orðið fyrir alvarlegum áhrifum af stríðinu. Þar taka börnin þátt í fjölbreyttu starfi sem hjálpar þeim að v...
Tvær og hálf milljón króna til stuðnings viðkvæmum barnafjölskyldum í Namibíu
SOS Barnaþorpin á Íslandi hafa sent 2,5 milljónir króna til verkefnis í fjölskyldueflingu SOS í Namibíu. Verkefnið er unnið til eflingar viðkvæmum barnafjölskyldum og kemur í veg fyrir að þær sundrist...