Fimm milljónir í neyðaraðstoð SOS í Níger
Níger er eitt fátækasta ríki heims og var í neðsta sæti vísitölunnar um þróun lífsgæða árið 2012. Ástandið í landinu er afar slæmt en hernaðarátök Boko Haram og stjórnarhersins í Nígeríu, sem hófust árið 2009, hafa gríðarleg áhrif á nágrannaríkið Níger.
Vegna þurrka og tíðra náttúruhamfara hefur fæðuöryggi verið lítið í Níger undanfarin ár. Þá hafa hryðjuverkasamtökin Boko Haram ráðist til atlögu í Níger en einnig hafa tugþúsundir flóttamanna frá Nígeríu og Mali komið til landsins. Flestir flóttamennirnir halda til í Diffa en talið er að tæplega sexhundruð þúsund flóttamenn sé á svæðinu. Alls eru 55 flóttamannabúðir í Diffa.
SOS Barnaþorpin hafa verið með neyðaraðstoð í Diffa síðan árið 2015. Eins og alltaf í starfi SOS er mikil áhersla lögð á aðstoð við börn en helstu verkefni aðstoðarinnar eru barnavernd (t.d. uppsetning á barnvænum svæðum), sálrænn stuðningur, matvælaaðstoð, heilbrigðisþjónusta og úthlutun á öðrum nauðsynjum. SOS á Íslandi ákvað á dögunum að styðja neyðaraðstoð SOS í Níger um fimm milljónir króna.
Samtökin áætla að árið 2017 verði erfitt í Diffa. Tölfræðin sýnir að 50 börn af hverjum þúsund deyja áður en þau ná eins árs aldri. Þá deyja 127 börn af hverjum þúsund fyrir fimm ára aldur. Vannæring er mikið vandamál en tæp 65% barna í Diffa þjást af vannæringu. Það þýðir að á árinu 2017 munu um 70 þúsund börn í Differ þurfa aðstoð vegna vannæringar.
Nýlegar fréttir

Sorgarmiðstöð hlýtur fjölskylduviðurkenningu SOS
Sorgarmiðstöð hlaut í gær fjölskylduviðurkenningu SOS Barnaþorpanna fyrir mikilvægt starf í þágu barnafjölskyldna á Íslandi. Forsetafrú og velgjörðasendiherra SOS Barnaþorpanna á Íslandi, Eliza Reid, ...

SOS Barnaþorpin eru fyrirmyndafyrirtæki V.R. annað árið í röð
Annað árið í röð eru SOS Barnaþorpin á Íslandi meðal efstu fyrirtækja í vinnustaðakönnun V.R. og hljóta þar með titilinn Fyrirmyndarfyrirtæki í flokki lítilla fyrirtækja.