„Ég var að gefast upp á lífinu“
Alþjóðlegur dagur fjölskyldunnar er í dag og þá veittum við Fjölskylduviðurkenningu SOS Barnaþorpanna á Íslandi, fjórða árið í röð. TINNA, fjölskylduefling í Breiðholti á vegum velferðarsviðs Reykjavíkurborgar, hlaut viðurkenninguna að þessu sinni.
Hafrún Ósk er einn af fyrstu skjólstæðingum TINNU sem útskrifaðist úr verkefninu á síðasta ári. Hún er einstæð móðir 10 ára drengs og segir að TINNA hafi bjargað þeim mæðginum. Hún flutti tilfinningaþrungna ræðu við athöfnina og sagði reynslusögu sína.
Hafrún veitti okkur einnig viðtal til að deila með okkur sinni reynslusögu.
„Ástæðan fyrir því að ég ákvað að leita til TINNU er að ég var í rauninni að gefast upp á lífinu. Áður en ég byrjaði í TINNU var ég alveg sjúklega þunglynd og átti erfitt með að díla við lífið. Stráknum mínum leið illa og sambandið á milli okkar var mjög stirt. En í dag líður mér rosalega vel og ég er andlega meira tilbúin í lífið. Strákurinn minn æfir körfubolta, gengur vel í skólanum, er mjög ánægður með lífið og samband okkar er miklu nánara en það var.“
Viðtalið er hér í heild sinni meðfylgjandi.
Nýlegar fréttir
Ekkert mannfall eða skemmdir hjá SOS í Sýrlandi
Staðfest hefur verið að öll börn, fjölskyldur og starfsfólk á vegum SOS Barnaþorpanna í Sýrlandi eru heil á húfi eftir mannskæðan jarðskjálfta sem reið yfir norðurhluta Sýrlands og suðurhluta Tyrkland...
Rúrik sigraði aftur í Let´s dance og gaf verðlaunaféð til SOS
SOS Barnaþorpunum barst í vikunni styrkur upp á rúma eina og hálfa milljón króna vegna sigurs Rúriks Gíslasonar í jólaþætti þýsku sjónvarpsþáttaraðarinnar Let´s dance.