Barnasáttmálinn 30 ára
Í dag 20. nóvember er stór dagur fyrir börn og alla sem koma að velferð þeirra. Barnasáttmálinn er 30 ára í dag en það er sá mannréttindasamningur sem staðfestur hefur verið af flestum þjóðum í heimi, alls 196 þjóðum.
Alexandra frá SOS barnaþorpinu Cuenca á Spáni hélt ræðu hjá Sameinuðu þjóðunum í New York á dögunum og kom þar á framfæri eftirfarandi skilaboðum:
✔️Mörg börn eru hunsuð og þau eru ómeðvituð um réttindi sín.
✔️Mér finnst að öll börn í heiminum eigi að þekkja réttindi sín.
✔️Mér finnst að það eigi að vera forgangur yfirvalda að fjárfesta í ungdómnum og taka mark á öllum börnum.
Komið betur fram við flóttafjölskyldur
Hans Steinar Bjarnason, upplýsingafulltrúi SOS Barnaþorpanna á Íslandi, ritaði í tilefni dagsins grein sem birt er á Vísi. Hann hvetur yfirvöld til að sýna Barnasáttmálanum þá virðingu að koma betur fram við flóttafjölskyldur.
„Sú staða ætti ekki að geta komið upp að barnafjölskyldur séu reknar á brott eftir að hafa náð að skjóta hér rótum. Það verður í það minnsta að bæta úrvinnsluhraða mála þeirra. Ég hef skilning á því að það eru takmörk fyrir því hvað lítið land eins og Ísland getur tekið á móti mörgu flóttafólki en við getum alla vega gert miklu betur í framkomu okkar gagnvart því,“ segir Hans Steinar meðal annars í greininni.
Stöndum vörð um réttindi barna!
Nýlegar fréttir

SOS Barnaþorpin í hópi fyrirmyndafyrirtækja ársins
SOS Barnaþorpin á Íslandi höfnuðu ofarlega í vinnustaðakönnun V.R. og eru í hópi fyrirmyndafyrirtækja V.R. í flokki lítilla fyrirtækja árið 2022. Starfsfólk SOS tók á móti viðurkenningu þess efnis á a...

Óbreytt stjórn SOS á Íslandi
Aðalfundur SOS Barnaþorpanna á Íslandi fór fram í gær, miðvikudaginn 18. maí. Þetta er fyrsti aðalfundurinn eftir lagabreytingar síðasta árs þess efnis að fulltrúaráð var lagt niður og í stað þess kjó...