Fréttayfirlit 16. desember 2015

800 einsömul flóttabörn í SOS Barnaþorpum

SOS Barnaþorpin hafa á síðustu mánuðum tekið að sér tæplega 800 einsömul flóttabörn í Evrópu og víðar en meirihluti þeirra er frá Sýrlandi. Flóttabörn sem koma ein síns liðs eru í mikilli hættu á að lenda í höndum ofbeldismanna sem stunda barnavændi, eiturlyfjasmygl og mansal. Því er gríðarlega mikilvægt að aðstoða þau börn sem fyrst eftir komuna til Evrópu og hafa SOS Barnaþorpin því lagt sérstaka áherslu á aðstoð við flóttabörn án foreldrafylgdar. Samtökin eru staðsett víðsvegar um heiminn og eru því í góðri stöðu til að aðstoða flóttabörn í neyð.

Í Líbanon eru 105 einsömul flóttabörn í umsjá SOS Barnaþorpanna en öll eru þau sýrlensk. Starfsfólk samtakanna reynir að hafa uppi á fjölskyldum barnanna en ef það tekst ekki eru fundin önnur úrræði, til að mynda framtíðarheimili í SOS Barnaþorpi.

flóttabarnserbía.jpg

47 einsömul flóttabörn eru í umsjá SOS Barnaþorpanna á Ítalíu og tvö í Eistlandi. Þá eru 30 einsömul flóttabörn í umsjá SOS Barnaþorpanna í Finnlandi og búa samtökin sig undir að taka við mun fleiri á næsta ári en áætlað er að um 900 einsömul flóttabörn komi til Finnlands árið 2016.

Í Þýskalandi eru 300 einsömul flóttabörn í umsjá SOS Barnaþorpanna og yfir 100 í Austurríki. Á báðum stöðum eru samtökin tilbúin að taka við fleiri flóttabörnum á nýju ári.

Árið 2016 munu SOS Barnaþorpin í Belgíu, Grikklandi, Noregi, Spáni og Jórdaníu einnig taka við hundruðum flóttabarna sem koma án foreldrafylgdar en líkt og í hinum löndunum býr fjöldi munaðarlausra og yfirgefinna barna þar fyrir í SOS Barnaþorpum.

Þá eru 205 börn í tímabundinni umsjá SOS Barnaþorpanna í Sýrlandi en þau hafa orðið viðskila við foreldra sína innan landamæranna eða misst þá. Börnin búa á tveimur heimilum í Damaskus en það þriðja opnar í Aleppo eftir áramót. Þar fyrir utan búa yfir 200 börn í SOS Barnaþorpum í landinu.

Nýlegar fréttir

Sorgarmiðstöð hlýtur fjölskylduviðurkenningu SOS
16. maí 2023 Almennar fréttir

Sorgarmiðstöð hlýtur fjölskylduviðurkenningu SOS

Sorgarmiðstöð hlaut í gær fjölskylduviðurkenningu SOS Barnaþorpanna fyrir mikilvægt starf í þágu barnafjölskyldna á Íslandi. Forsetafrú og velgjörðasendiherra SOS Barnaþorpanna á Íslandi, Eliza Reid, ...

SOS Barnaþorpin eru fyrirmyndafyrirtæki V.R. annað árið í röð
12. maí 2023 Almennar fréttir

SOS Barnaþorpin eru fyrirmyndafyrirtæki V.R. annað árið í röð

Annað árið í röð eru SOS Barnaþorpin á Íslandi meðal efstu fyrirtækja í vinnu­staða­könn­un V.R. og hljóta þar með titilinn Fyr­ir­mynd­ar­fyr­ir­tæki í flokki lít­illa fyr­ir­tækja.