Fréttayfirlit 18. apríl 2016

140 milljónir króna til Ekvador

Alþjóðasamtök SOS Barnaþorpanna hafa kallað eftir einni milljón evra, eða 140 milljónum króna, vegna neyðaraðstoðar samtakanna í kjölfar jarðskjálftans í Ekvador. SOS Barnaþorpin á Íslandi hafa ákveðið að leggja að minnsta kosti tvær milljónir króna til aðstoðarinnar.

SOS Barnaþorpin hafa starfað í Ekvador síðan árið 1963 en í dag búa um 500 börn í sex SOS Barnaþorpum þar í landi. Eitt þorpanna er staðsett í Esmeraldas þar sem upptök skjálftans voru. Öll SOS börn ásamt starfsfólki sluppu óhult og engar alvarlegar skemmdir urðu á byggingum í þorpunum.  Ekki hefur enn náðst í alla skjólstæðinga Fjölskyldueflingar, fátækar barnafjölskyldur sem fá stuðning til sjálfshjálpar hjá SOS.

SOS Barnaþorpin munu leggja áherslu á aðstoð við börn sem hafa misst eða orðið viðskila foreldra sína í hamförunum. Þá hafa samtökin nú þegar hafið vatns- og matvælaaðstoð sem og úthlutun á öðrum nauðsynjum. Neyðarskýli verða einnig opnuð þar sem fórnarlömb skjálftans fá viðeigandi aðstoð og komast í netsamband til að hafa samband við ættingja. Samtökin munu einnig opna barnvæn svæði þar sem börn geta fengið aðstoð, leikið sér og hitt önnur börn.

Að minnsta kosti 246 létust og 2500 eru slasaðir eftir jarðskjálftann á laugardagskvöld en óttast er að tala látinna eigi eftir að hækka. Um er að ræða stærsta skjálfta í landinu í 40 ár.

Hægt er að styðja við neyðaraðstoð SOS Barnaþorpanna í Ekvador með því að hringja í síma 907-1002 (2.000 krónur). Einnig er hægt að millifæra framlag á reikning 334-26-52075, kt. 500289-2529 með skýringunni: Ekvador.

Nýlegar fréttir

10 milljónir króna til Pakistan
3. okt. 2022 Almennar fréttir

10 milljónir króna til Pakistan

SOS Barnaþorpin á Íslandi hafa ákveðið að leggja 10 milljónir króna til neyðaraðgerða í þágu barna og fjölskyldna þeirra í Pakistan. Neyðarástand ríkir í Pakistan vegna mestu flóða sem þar hafa orðið ...

Neyðarsafnanir fyrir Afríkuhorn og Pakistan
14. sep. 2022 Almennar fréttir

Neyðarsafnanir fyrir Afríkuhorn og Pakistan

Öfgar í veðurfari eru að valda mikilli þjáningu fólks víða um heim. SOS Barnaþorpin á Íslandi hafa nú hrundið af stað neyðarsöfnunum vegna neyðaraðgerða í Pakistan og á Afríkuhorni.