Hér geta SOS-fjölskylduvinir nálgast allar fréttir og upplýsingar um verkefni okkar. SOS-fjölskylduvinir eru þeir styrktaraðilar SOS Barnaþorpanna sem styrkja fjölskylduhjálp SOS. Hún gengur út á að aðstoða sárafátækar barnafjölskyldur til sjálfbærni og sjálfstæðis, gera þeim kleift að mæta grunnþörfum barna sinna og stuðlar að menntun barnanna og foreldranna.
Þessi verkefni fyrirbyggja að börn missi foreldraumsjón. Skjólstæðingar okkar eru börn, ungmenni og foreldrar þeirra. SOS á Íslandi fjármagnar fjölskylduhjálp í Eþíópíu, Malaví, Úganda og í Rúanda.
Framlag þitt margfaldast
SOS-fjölskylduvinir greiða mánaðarlegt framlag að eigin vali sem 20-faldast á fátækustu verkefnasvæðunum okkar. Það þýðir ekki að peningarnir sjálfir tuttugufaldist. Rannsóknir sýna að fyrir hverja krónu sem lögð til þessara verkefna, fær samfélagið til baka að meðaltali um tuttugu krónur í framtíðarávinningi – meðal annars með auknum tekjum fjölskyldna, betri menntun barna og minni þörf á félagslegri aðstoð og sparnaður fyrir yfirvöld til lengri tíma. Ávinninningurinn af stuðningi við fjölskylduhjálpina er því afar mikill fyrir samfélagið.
Félagsleg arðsemi framlaga til fjölskylduhjálpar SOS Barnaþorpanna er reiknuð með því að bera saman allan kostnað við verkefnin við þann ávinning sem þau skapa fyrir einstaklinga, fjölskyldur, samfélagið og hið opinbera. Framlagið er því ekki einungis hjálp í dag – heldur fjárfesting sem margfaldast í krafti betri lífsgæða barna og sterkari samfélaga til framtíðar.
