Líf á tímum kórónuveirunnar
![Líf á tímum kórónuveirunnar](/media/cb4byhq3/northmacedonia_skopje_first-person-corona_katerinailievska_jpg.jpg?width=1150&height=600&mode=crop&anchor=top)
Marija Cvetanovska er 20 ára laganemi frá Skjope í Norður-Makedóníu. Hún hefur verið skjólstæðingur fjölskyldueflingar SOS Barnaþorpanna í Makedóníu frá árinu 2018 og tekur einnig þátt í verkefni á þeirra vegum til að auka starfshæfni sína. Með náminu vinnur hún í banka.
Marija býr með eldri bróður sínum sem er 24 ára gamall. Hann er með væga þroskaskerðingu. Frá og með síðustu viku hafa þau bæði verið heima í sóttkví vegna kórónuveirunnar.
„Bróðir minn skilur alvarleika ástandsins og við reynum bara að njóta þess að vera heima. Honum þykir einstaklega skemmtilegt þegar við eldum saman og horfum á bíómyndir. Við horfum oft á matreiðslumyndbönd, æfingamyndbönd og spilum saman. Okkur líður eins og við séum aftur orðin börn. Það gleður bróður minn mikið að við fáum loksins að verja tíma saman. Í fyrra var ég í tveimur vinnum og námi. Það liðu oft margir dagar á milli þess sem við hittumst. Hann var mjög leiður og einmana,“ segir Marija.
Marija er mjög jákvæð að eðlisfari og reynir að sjá það góða í öllum aðstæðum. „Við vitum ekki hvað þetta ástand varir lengi. Það hefur þegar haft áhrif á áætlanir mínar næstu mánuðina. En við verðum öll að taka það besta úr þessum aðstæðum og læra af þessu." Í augum Mariju er ekkert mikilvægara en heilsa hennar og ástvina hennar og hún telur að það sé mikilvægt að huga að heilsunni ef maður ætlar að ná markmiðum sínum í lífinu.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...