Þetta erum við að gera á Gaza

SOS Barna­þorp­in í Palestínu hafa und­an­far­ið að­stoð­að fjölda fólks í neyð á Gaza. Við Ís­lend­ing­ar leggj­um lóð okk­ar á vog­ar­skál­arn­ar, SOS á Ís­landi send­ir 10 millj­ón­ir króna og al­menn­ing­ur tek­ur þátt með fram­lög­um í neyðarsöfnun okkar hér á sos.is.

SOS Barna­þorp­in hafa ver­ið til stað­ar fyr­ir mun­að­ar­laus og yf­ir­gef­in börn í Palestínu frá 1968 og hafa því yf­ir­grips­mikla þekk­ingu á að­stæð­um. SOS barna­þorp­ið okk­ar í Rafah, á suð­ur­hluta Gaza, tek­ur á móti fylgd­ar­laus­um börn­um sem hafa misst umönn­un for­eldra vegna stríðs­ins.

Að auki veita SOS Barna­þorp­in:

• Beina mann­úð­ar­að­stoð við fjöl­skyld­ur sem verst hafa orð­ið úti til að forð­ast frek­ari að­skiln­að barna við fjöl­skyld­ur sín­ar
• Neyð­ar­að­stoð fyr­ir fylgd­ar­laus börn, m.a. auð­kenn­ing barna, skrán­ing og vist­un í ör­uggu um­hverfi
• Áfalla­hjálp, sér­stak­lega fyr­ir börn og umönn­un­ar­fólk okk­ar, til að hjálpa þeim að tak­ast á við áföll og til­finn­inga­lega van­líð­an
• Fjár­hags­leg­an stuðn­ing við fjöl­skyld­ur sem glíma við erf­ið­leika

Svona er að­stoð­in

Í fyrsta fasa neyð­ar­að­gerða okk­ar á Gaza eft­ir að stríð­ið braust út í októ­ber náð­um við til 220 barna­fjöl­skyldna og yfir þús­und ein­stak­linga. Hjálp­ar­starf SOS beind­ist fyrst að fá­tæk­um barna­fjöl­skyld­um en nú er framund­an auk­inn stuðn­ing­ur við fleiri börn og fjöl­skyld­ur í sam­fé­lag­inu.

Að­stoð­in fel­ur í sér m.a. mat­ar­miða í sam­starfi við Mat­væla­áætl­un Sam­ein­uðu þjóð­anna og mat­væla- og fjár­stuðn­ing við brot­hætt­ar fjöl­skyld­ur í verk­efn­um okk­ar. Fjöl­skyld­ur geta tek­ið pen­ing út úr ra­f­rænu veski í sím­an­um sín­um og keypt nauð­synj­ar. Áætl­að er að styðja þannig við tvö þús­und ein­stak­linga í fyrsta áfanga og þrjú þús­und ein­stak­linga í þeim næsta.

Við höf­um auk­ið við áfalla­hjálp og ann­an sál­ræn­an stuðn­ing fyr­ir börn og starfs­fólk í SOS barna­þorp­inu í Rafah sem er á Gaza. Sem bet­ur fer hef­ur ekk­ert mann­fall orð­ið með­al þeirra.

Starfs­fólk okk­ar í barna­þorp­inu lýs­ir ástand­inu svona.

Allt söfn­un­ar­fé fer til SOS í Palestínu

SOS Barna­þorp­in í Palestínu og Ísra­el stóðu sam­an að fyrsta fasa neyð­ar­að­gerða sam­tak­anna. Við und­ir­strik­um mik­il­vægi þess í al­mennri um­ræðu að blanda ekki sam­an starf­semi SOS Barna­þorp­anna í Ísra­el og Palestínu ann­ars veg­ar við að­gerð­ir yf­ir­valda hins veg­ar. SOS Barna­þorp­in standa með og starfa fyr­ir börn og fjöl­skyld­ur þeirra í neyð í báð­um lönd­um.

Fram­lög­um í fyrri neyð­ar­söfn­un okk­ar vegna ástands­ins fyr­ir botni Mið­jarð­ar­hafs var út­hlut­að í þeim hlut­föll­um sem lýsti stærð að­gerða SOS Barna­þorp­anna beggja meg­in landa­mær­anna, 75% til Palestínu og 25% til Ísra­el. Þetta var ákvörð­un stjórn­enda SOS Barna­þorp­anna í þess­um tveim­ur lönd­um.

Frá og með fe­brú­ar 2024 verð­ur fram­lög­um í neyð­ar­söfn­un okk­ar hér á Ís­landi ein­göngu var­ið í að­gerð­ir SOS á Gaza.

Að­eins 5% af fram­lagi þínu í um­sýslu­kostn­að

Eins og alltaf þeg­ar SOS Barna­þorp­in standa fyr­ir neyð­ar­söfn­un upp­lýs­um við styrktarað­ila um hvernig fram­lög­um þeirra er ráð­staf­að. SOS Barna­þorp­in á Ís­landi senda allt fram­lag þitt óskert til al­þjóða­skrif­stofu SOS Barna­þorp­anna í Aust­ur­ríki. Þar fer 5% fram­lags­ins í um­sýslu­kostn­að og 95% nýt­ist í sjálft hjálp­ar­starf­ið á vett­vangi.

Neyð­ar­að­gerð­ir okk­ar eru fram­kvæmd­ar und­ir ströngu eft­ir­liti al­þjóða­sam­taka SOS sem hlot­ið hafa hina al­þjóð­legu CHS vott­un sem neyð­ar­hjálp­ar­sam­tök með til­heyr­andi ströng­um verk­ferl­um og eft­ir­liti. 

Stað­an í Palestínu og Ísra­el

Um­fangs­mik­ill þátt­ur í að­gerð­um SOS í Palestínu og Ísra­el er áfalla­hjálp og ann­ar sál­rænn stuðn­ing­ur. Sér­fræð­ing­ar áætla að ein af níu millj­ón­um íbúa Ísra­el, þar af mik­ill fjöldi barna, upp­lifi áfall­a­streiturösk­un. Hús hafa eyðilagst og ætt­ingj­ar lát­ist eða ver­ið tekn­ir í gísl­ingu.

SOS Barna­þorp­in í Palestínu hafa skil­greint um 18 þús­und manns sem mark­hóp sinn í þeim neyð­ar­að­gerð­um sem framund­an eru á Gaza. M.a. verða sett upp barn­væn svæði, stúlk­ur og kon­ur fá nausyn­leg­ar hrein­lætis­vör­ur og sál­fræði­að­stoð verð­ur í boði. Áætl­að er að tæp­ar tvær millj­ón­ir íbúa Gaza séu á ver­gangi, eða um 85% íbúa. Þá verð­ur ástand­ið á Vest­ur­bakk­an­um sí­fellt óstöð­ugra.

SOS Barna­þorp­in í Palestínu hafa geng­ið frá sam­komu­lagi við UNICEF um að taka á móti 55 fylgd­ar­laus­um börn­um sem hafa misst for­eldra sína eða orð­ið við­skila við þá í stríð­inu á Gaza-svæð­inu. SOS í Palestínu sér um umönn­un barn­anna í bráða­birgða­at­hvarfi í SOS Barna­þorp­inu Rafah í að há­marki eitt ár.

Nán­ar má lesa um það og aðr­ar ít­ar­legri upp­lýs­ing­ar hér.

Hægt að ger­ast mán­að­ar­leg­ur styrktarað­ili fyr­ir SOS á Gaza

Áætl­að er að yfir 18 þús­und börn á Gaza hafi misst ann­að eða báða for­eldra sína í stríð­inu sem stend­ur þar yfir. Neyð­in á Gaza er nú orð­in slík að ljóst er að efla þarf starf­semi SOS Barna­þorp­anna í Palestínu til lengri tíma. Með því að ger­ast SOS-foreldri barna á Gaza ger­ist þú mán­að­ar­leg­ur styrktarað­ili SOS barna­þorps­ins í Rafah.