Fréttayfirlit 26. maí 2016

Þátttaka SOS Barnaþorpanna í leiðtogafundi Sameinuðu þjóðanna um mannúðarmál

Á mánudag og þriðjudag var fyrsti leiðtogafundur Sameinuðu þjóðanna um mannúðarmál haldinn í Istanbúl. Á fundinum komu saman fulltrúar hins opinbera, félagasamtaka, stofnana og einkafyrirtækja frá öllum heimshornum til að finna leiðir til að takast á við stórar áskoranir í málaflokknum. Talið er að ekki hafi þurft að takast á við áskoranir í mannúðarmálum í af þessari stærðargráðu síðan í seinni heimsstyrjöldinni.

Meira en 130 milljónir eru í þörf fyrir mannúðaraðstoð í heiminum og opinber tala þeirra sem hafa þurft að flýja heimili sín vegna átaka og hættu nálgast 60 milljónir. Ban Ki-moon, aðalframkvæmdastjóri Sameinuðu þjóðanna, sagði ráðstefnuna vera „vendipunkt í leið okkar til að takast á við þær áskoranir sem við öll sem manneskjur stöndum frammi fyrir.“

SOS Barnaþorpin tóku þátt í ráðstefnunni, meðal annars með aðkomu að skipulagningu hliðarviðburðar um vernd barna í hættuástandi. Samkvæmt Carsten Völz, rekstrarstjóra SOS Barnaþorpanna og Andreas Papp, framkvæmdastjóri fyrir alþjóðlega neyðaraðstoð,  þarf að setja vernd barna í hættuástandi í forgang. Reynslan sýnir að þegar börn fá ekki grunnþörfum sínum fullnægt aukast líkur á varanlegu sálrænu áfalli til muna. Börn þurfa að geta leikið sér, gengið í skóla og leitað til fullorðinna sem sýna þeim væntumþykju.

Á fundinum voru gerðar um 1500 skuldbindingar, meðal annars sú krafa að hjálparstofnanir verði gagnsærri, skilvirkari og stuðli að auknu samstarfi sín á milli í stað þess að keppa við hvor aðra. Einnig var nýr sjóður stofnaður sem ætlað er að bæta umsjón með menntamálum barna í hættuástandi.

Hægt er að lesa meira um leiðtogafundinn hér.

Nýlegar fréttir

Seinna SOS-blað ársins komið út
29. nóv. 2023 Almennar fréttir

Seinna SOS-blað ársins komið út

Seinna SOS-blað ársins er kom­ið út og er það að venju aðgengilegt rafrænt hér á sos.is. Þetta er í annað sinn sem blaðið kemur út með breyttu fyr­ir­komu­lagi á dreif­ingu til styrktarað­ila.

Viðbragðsáætlun SOS Barnaþorpanna í Marokkó
21. nóv. 2023 Almennar fréttir

Viðbragðsáætlun SOS Barnaþorpanna í Marokkó

Líf þúsunda barna breyttist þegar jarðskjálfti reið yfir Marokkó 8. september sl. og munu afleiðingarnar hafa áhrif á landið um ókomna tíð. Hér má lesa um útfærslu á viðbragðsáætlun SOS Barnaþorpanna ...