Fréttayfirlit 23. maí 2019

„Þarna sló mitt íslenska femíníska hjarta“

Við höfum áður sagt ykkur frá heimsókn Heru Bjarkar velgjörðarsendiherra okkar í SOS barnaþorp í Ísrael og Palestínu í síðustu viku. Okkur langar því að benda ykkur á að Hera var í útvarpsviðtali á K100 í gær um þessar heimsóknir og það má einnig finna í Morgunblaðinu í dag.

Mikil reiði í samfélaginu

Hera lýsir því að í Palestínu sé sérstaklega haldið utan um einstaklingana eftir að þeir hafi náð 18 ára aldri. „Þá detta krakkarnir aftur út í samfélagið og þar eru fyrir oft mjög reiðir og sárir einstaklingar og því auðvelt fyrir krakkana að detta í það sama far,“ sagði Hera og bætti við að þessi tími reyndist einstaklingunum oft mjög erfiður og því mikilvægt að fylgja þeim eftir.

Kynjamisrétti í Palestínu

Hera nefndi m.a. að SOS Barnaþorpin leggja ríka áherslu á að ala upp einstaklinga sem eru víðsýnir og hafa ríka samkennd með mismunandi kynþáttum og öðrum þjóðarbrotum. Í viðtalinu nefndi hún hið mikla kynjamisrétti sem ríkir í Palestínu og er unnið markvisst gegn því í starfi SOS þar í landi. „Þarna sló mitt íslenska femíníska hjarta mjög ótt og títt,“ sagði Hera.

Þorpin sem Hera heimsótti eru í 🇵Bethlehem í Palestínu og Nazareth í Ísrael. 32 Íslendingar eru núna SOS-styrktarforeldrar barna í Bethlehem og 7 Íslendingar eiga styrktarbörn í Nazareth þorpinu. Nærri tíu þúsund Íslendingar eru styrktarforeldrar barna í 108 löndum.

Vilt þú bætast í hóp SOS-styrktarforeldra? Skráning og allar upplýsingar finnurðu hér.

Nýlegar fréttir

Neyðarsöfnun vegna flóða í Pakistan
14. sep. 2022 Almennar fréttir

Neyðarsöfnun vegna flóða í Pakistan

Neyðarsöfnun SOS Barnaþorpanna er hafin vegna neyðaraðgerða í þágu barna og fjölskyldna þeirra í Pakistan. Neyðarástand ríkir í Pakistan vegna mestu flóða sem þar hafa orðið í meira en áratug og hjálp...

Neyðarsafnanir fyrir Horn Afríku og Pakistan
14. sep. 2022 Almennar fréttir

Neyðarsafnanir fyrir Horn Afríku og Pakistan

Öfgar í veðurfari eru að valda mikilli þjáningu fólks víða um heim. SOS Barnaþorpin á Íslandi hafa nú hrundið af stað neyðarsöfnunum vegna neyðaraðgerða í Pakistan og á Horni Afríku.