Tekjur SOS Barnaþorpanna á Íslandi aldrei verið hærri

Árið 2023 var gott ár í rekstri SOS Barnaþorpanna á Íslandi og hækkuðu tekjur um 13% milli ára, upp í tæpar 800 milljónir króna. Aldrei hafa tekjur samtakanna verið hærri og nutu þúsundir barna víða um heim góðs af stuðningi Íslendinga við samtökin. Af heildartekjum ársins var hlutfall skrifstofu- og stjórnunarkostnaðar vel fyrir neðan viðmið um þak á rekstrarkostnaði og á árinu runnu 843 krónur af hverju eitt þúsund króna framlagi í sjálft hjálparstarfið.
Þetta er meðal þess sem kemur fram í ársskýrslu SOS Barnaþorpanna fyrir árið 2023 sem nú hefur nú verið birt á fjármálasvæðinu hér á vefsíðunni. Af þeim 722 milljónum sem söfnuðust frá styrktaraðilum komu 84% styrkja frá almenningi eða rúmar 600 milljónir króna. Stærsti hluti af framlögum til SOS á Íslandi kemur frá SOS-foreldrum sem við sendum til barnaþorpa í 107 löndum.
Á árinu 2023 styrktu 20.857 einstaklingar og 579 lögaðilar SOS Barnaþorpin á Íslandi, ýmist með mánaðarlegum framlögum, stökum eða bæði. Þrátt fyrir mikla hækkun tekna fækkaði mánaðarlegum styrktaraðilum um 89 á milli ára og voru þeir 10.653 um áramótin.
Eins og undanfarin ár birta SOS Barnaþorpin á Íslandi bæði ársskýrslu og ársreikning hér á heimasíðu samtakanna.
Nýlegar fréttir

SOS barnaþorpið á Gaza rústir einar
SOS barnaþorpið í Rafah á Gaza hefur hefur verið jafnað við jörðu og er rústir einar. Öll hús eru gereyðilögð og ljóst er að langur tími um Þetta kom í ljós á mánudag, 20. janúar, þegar starfsfólk SO...

SOS í Úkraínu: „Það er í lagi með okkur“
SOS Barnaþorpin í Úkraínu hafa hjálpað alls 426 þúsund manns í neyðaraðgerðum sínum eftir innrás Rússa fyrir nærri þremur árum. Aðgerðir SOS í þágu úkraínskra barna og fjölskyldna þeirra eru fjármagna...