Svala færir sig yfir til Sanothimi
Svala Davíðsdóttir kvaddi í gær SOS barnaþorpið í Jorpati í Katmandú í Nepal. Hún vann þar við aðstoð í kennslustofu sem sjálfboðaliði í einn mánuð. Í Jorpati þorpinu búa fötluð börn sem eitt sinn voru umkomulaus en eiga nú ástríka SOS-fjölskyldu og heimili. Svala hefur leyft okkur hér heima á Íslandi að fylgjast með upplifun sinni á Instagram SOS Barnaþorpanna og gerir það áfram. Hún skrifaði eftirfarandi kveðju í gærkvöld.
Kveðjustund 💛 Ekkert smá þakklát fyrir það tækifæri að hafa fengið að vera hluti af barnaþorpinu í Jorpati síðastliðinn mánuð og fyrir að hafa fengið að kynnast öllum þessum börnum sem öll eru svo yndisleg og einstök hvert á sinn hátt. Þorpið er fullt af frábæru og góðhjörtuðu fólki sem allt vilja fyrir börnin gera svo þeim líði sem allra best. 🧡 Takk fyrir mig Jorpati, ég mun sakna ykkar❤️
Næst er ferðinni heitið í barnaþorpið í Sanothimi👏🏼🏡
Hvet ykkur til þess að gerast styrktarforeldri á sos.is 👨👩👧👧
Kveðja, Svala
Nýlegar fréttir
Skemmdir hjá SOS í Úkraínu
Skrifstofa SOS Barnaþorpanna í Kænugarði í Úkraínu varð fyrir skemmdum sl. nótt þegar Rússar létu sprengjum rigna yfir borgina. Starfsfólk er óhult.
Venesúela: Jarðskjálftar hafa áhrif á þúsundir barna
Öflugir jarðskjálftar riðu yfir Venesúela með þeim afleiðingum að þúsundir manna hafa orðið fyrir áhrifum. Börnin og starfsfólkið í SOS barnaþorpunum í landinu eru óhult en lífsreynslan hefur tekið á....