Fréttayfirlit 22. janúar 2016

SOS Barnaþorpin sækja börn til Madaya

SOS Barnaþorpin og sýrlenski Rauði krossinn hafa tekið höndum saman og munu sækja verst settu börnin í þorpinu Madaya í Sýrlandi á næstu dögum. Í síðustu viku veittu sýrlensk stjórnvöld heimild til flutnings hjálpargagna til þorpsins en nú hafa SOS Barnaþorpin einnig fengið leyfi til að flytja illa stödd börn í búðir samtakanna í Damaskus. Íbúar Madaya hafa verið innikróaðir í hálft ár vegna umsáturs stjórnarhersins og ekki fengið neina aðstoð síðan í október en fjöldi barna hefur misst foreldra sína og búa við afar bágar aðstæður.

Þegar börnunum hefur verið komið í skjól verða þarfir þeirra greindar enn frekar og þeim útveguð viðeigandi aðstoð . Ekki er ljóst hversu mörg börn verða sótt úr bænum eða hversu langan tíma aðgerðin mun taka.

Samtökin eru þá vongóð um að einnig verði hægt að sækja verst settu börnin í tveimur þorpum í Idlib-héraði í norðurhluta landsins, Foah og Kefraya, þar sem ástandið er mjög slæmt. Uppreisnarmenn hafa setið um þau þorp síðan í mars á liðnu ári en talið er að yfir 400 þúsund manns séu innikróuð í sýrlensku þorpunum þremur.

Nýlegar fréttir

Þörf á auknum stuðningi við SOS í Úkraínu
20. mar. 2023 Almennar fréttir

Þörf á auknum stuðningi við SOS í Úkraínu

Stríðið í Úkraínu heldur áfram að koma niður á milljónum barna, grundvallarréttindum þeirra og sundrar fjölskyldum. Við viljum því vekja athygli á að söfnin SOS Barnaþorpanna á Íslandi fyrir stuðningi...

Opnað á brottvikningu Rússlands
8. mar. 2023 Almennar fréttir

Opnað á brottvikningu Rússlands

Á fundi alþjóðastjórnar SOS Barnaþorpanna þann 2. mars var ákveðið að hefja undirbúning að tímabundinni brottvikningu SOS Barnaþorpanna í Rússlandi úr alþjóðasamtökunum. Þá hafa öll framlög til SOS Ba...