Fréttayfirlit

SOS Barnaþorpin á Íslandi leita að fræðslufulltrúa

SOS Barnaþorpin á Íslandi auglýsa nú til umsóknar starf fræðslufulltrúa í 50% starf. Við leitum að öflugum einstaklingi í sterka liðsheild á skrifstofu okkar í Kópavogi. Við eigum í góðu samstarfi við fjölda leik- og grunnskóla auk þess að vera með ungmennaráð sem fundar reglulega og kemur að kynningum, fjáröflunum o.fl. Fræðslufulltrúi heldur utan um þennan hluta starfseminnar í hálfu starfi.

Helstu verkefni:

  • Samstarf við leikskóla. Fræðslufulltrúi heldur utan um verkefnið Sólblómaleikskólar. Í því felst að afla efnis, útbúa, þýða og staðfæra fræðsluefni, halda utan um öll samskipti við leikskóla og bjóða fleiri leikskólum að slást í hóp Sólblómaleikskóla. Þá skipuleggur fræðslufulltrúi svokallaða sólblómahátíð einu sinni á ári þar sem Sólblómaleikskólar koma saman til uppskeruhátíðar. Fræðslufulltrúi á í samskiptum við systursamtök SOS í öðrum löndum vegna þessa verkefnis.
  • Samstarf við grunnskóla. Fræðslufulltrúi heldur utan um samskipti við grunnskóla. Samstarfið felst einkum í utanumhaldi á Öðruvísi jóladagatali þar sem grunnskólum býðst að fá fræðsluefni frá SOS á aðventunni. Fræðslufulltrúi sér um að útbúa, þýða og staðfæra efni fyrir skólana. Fræðslufulltrúi á í samskiptum við systursamtök SOS í öðrum löndum vegna þessa verkefnis.
  • Framhaldsskólar. Fræðslufulltrúi heldur utan um ungmennaráð SOS sem heldur reglulega fundi og stendur fyrir kynningum, fjáröflunum og viðburðum.
  • Þá sinnir fræðslufulltrúi kynningum í skólum eftir þörfum í samráði við upplýsingafulltrúa.

Hæfniskröfur:

  • Háskólamenntun og/eða reynsla sem nýtist í starfinu. Hér kemur sér sérstaklega vel að hafa starfað í skólastofnun eða annars staðar með börnum og ungmennum.
  • Framúrskarandi íslensku- og enskukunnátta. Norðurlandamál kemur sér einnig vel. Fræðslufulltrúi þarf að geta komið frá sér rituðu efni á mjög góðri íslensku ásamt því að þurfa að þýða efni úr öðru tungumáli (t.d. norsku eða ensku) ásamt því að eiga í samskiptum við systursamtök SOS í öðrum löndum.
  • Öguð vinnubrögð, skipulagshæfni, frumkvæði og geta til að starfa sjálfstætt. Fræðslufulltrúi starfar undir stjórn framkvæmdastjóra en vinnur mikið sjálfstætt og þarf því að skipuleggja sig vel og vera vinnusamur. Þá er mikið svigrúm til frumkvæðis og nýrra hugmynda í samstarfi við skóla.

Starfshlutfall er 50% og vinnutími er sveigjanlegur. Fræðslufulltrúi hefur vinnuaðstöðu á skrifstofu samtakanna við Hamraborg 1 í Kópavogi.

Nánari upplýsingar hjá framkvæmdastjóra Ragnari Schram í síma 564 2910.

Umsóknir sendist á netfangið umsokn@sos.is fyrir lok maí 2018.

SOS Barnaþorpin eru alþjóðleg hjálparsamtök sem hafa séð munaðarlausum og yfirgefnum börnum um allan heim fyrir fjölskyldu og heimili síðan 1949. Auk þess hjálpa samtökin fátækum barnafjölskyldum til sjálfshjálpar, sinna neyðaraðstoð o.fl. Starfsemi samtakanna á Íslandi miðar að því að afla styrktaraðila fyrir hjálparstarf samtakanna í yfir 100 löndum í Mið- og S-Ameríku, Afríku, Asíu og A-Evrópu. Einnig er þjónusta við styrktaraðila stór og mikilvægur þáttur í starfseminni hér á landi.

Nýlegar fréttir

Fékkstu símtal frá SOS?
14.10.2021 Almennar fréttir

Fékkstu símtal frá SOS?

Um 66 þúsund börn og ungmenni víða um heim treysta alfarið á SOS Barnaþorpin hvað varðar vernd, framfærslu og umhyggju. Þessa dagana erum við að hringja í fólk og óska eftir stuðningi við þessa starfs...

Tilkynning vegna netárásar
08.10.2021 Almennar fréttir

Tilkynning vegna netárásar

Netárás var gerð á tölvukerfi alþjóðasamtaka SOS Barnaþorpanna 18. september sl. án þess að alvarlegur skaði hlytist af. Viðbragðsáætlun samtakanna var strax sett í gang og gagnráðstafnir gerðar, svo ...