Rakel Lind ráðin fjármála- og fjáröflunarstjóri SOS
Rakel Lind Hauksdóttir hefur verið ráðin fjármála- og fjáröflunarstjóri SOS Barnaþorpanna á Íslandi. Rakel er fædd árið 1982, hún er viðskiptafræðingur að mennt og lýkur ML-prófi í lögfræði um áramótin. Hún hefur starfað hjá Lífeyrissjóði starfsmanna ríkisins (LSR) frá árinu 2007, nú síðast sem aðstoðarmaður framkvæmdastjóra og sérfræðingur á fjárreiðusviði. Rakel hefur einnig starfað fyrir endurskoðunarnefnd LSR og á réttindasviði sjóðsins.
„Það er afar ánægjulegt að bætast í hóp starfsmanna SOS Barnaþorpanna á Íslandi og fá tækifæri til þess að taka þátt í því öfluga starfi sem þar er unnið. Ég er spennt að koma til starfa og hlakka til að takast á við þau fjölbreyttu verkefni sem bíða mín þar,“ segir Rakel.
26 umsóknir bárust um starfið frá mörgum mjög frambærilegum einstaklingum sem erfitt var að velja úr og þakka SOS Barnaþorpin öllum sem sýndu áhuga. Rakel hefur störf hjá okkur á nýju ári og tekur þá við af Þorsteini Arnórssyni sem skiptir um starfsvettvang.
Nýlegar fréttir
![Börnin aftur í skóla eftir átta mánaða hlé vegna stríðsins](/media/fdcbxg4k/bethlehem_evacuated-children_lama-qattush_dsc_0299.jpg?width=410&height=300&mode=crop&bgcolor=ffffff)
Börnin aftur í skóla eftir átta mánaða hlé vegna stríðsins
Börnin 68 sem flutt voru frá SOS barnaþorpinu í Rafah á Gaza til barnaþorpsins í Bethlehem á Vesturbakkanum í mars sl. eru komin aftur í skóla. Vegna stríðsins féll skólaganga þeirra niður í átta mánu...
![Tveir Íslendingar mega styrkja sama barnið](/media/iszp3ngn/namibia-ondangwa-09-2022-1t9a7833_jpg.jpg?width=410&height=300&mode=crop&bgcolor=ffffff)
Tveir Íslendingar mega styrkja sama barnið
Vegna aukinnar þarfar á stuðningi við börn í SOS barnaþorpum hefur sú breyting nú tekið gildi að tveir Íslendingar mega styrkja sama barnið. Að meðaltali eru um fimm til sex SOS-foreldrar um hvert sty...