Opnuðu útisnyrtistofu og söfnuðu fyrir SOS
Við fengum heldur betur ánægjulega heimsókn á skrifstofuna okkar í gær. Hingað komu tvær 6 ára dömur, Hildur og Antonía, með 5.500 krónur sem þær söfnuðu fyrir SOS Barnaþorpin. Þær settu á laggirnar snyrtistofu úti í garði heima hjá annarri þeirra í Hlíðahverfinu í Reykjavík og máluðu og naglalökkuðu konur í hverfinu sem greiddu 500 krónur fyrir snyrtinguna.
„Við bönkuðum upp á hjá fólki, sögðum að við hefðum verið að opna snyrtistofu og spurðum hvort þau vildu koma," sagði Antonía sem hefur þó ekki sett stefnuna á snyrtifræði í framtíðinni. „Ég ætla að verða atvinnumaður í fótbolta og hárgreiðslukona. Eða flugmaður eins og pabbi."
Við þökkum hinum hugmyndaríku Hildi og Antoníu kærlega fyrir að hugsa svona hlýtt til barna í erfiðum aðstæðum úti í heimi. Framlagi þeirra verður varið í Fjölskyldueflingu SOS á Tulu Moye svæðinu í Eþíópíu sem Fjölskylduvinir SOS á Íslandi fjármagna.
Nýlegar fréttir
280 fjölskyldur standa nú á eigin fótum í Malaví
280 fjölskyldur sem tóku þátt í fjölskylduhjálp SOS Barnaþorpanna í Ngabu í Malaví standa nú á eigin fótum. Mun fleiri fjölskyldur urðu sjálfbjarga en stefnt var að í verkefninu sem fjármagnað var af ...
96% fjölskyldna brutust út úr sárafátækt í Rúanda
96% fjölskyldna sem tóku þátt í fjölskylduhjálp SOS Barnaþorpanna í Rúanda standa nú á eigin fótum. Þær útskrifast því úr þessum fasa verkefnisins og í stað þeirra fá nýjar fjölskyldur tækifæri til að...